Smart Nutrition Lab sortu da

Athletic Clubek nazioarteko kirol-industrian aitzindaria den nutrizio proiektu pertsonalizatua jarri du abian, eta kirolaren praktika profesionalari lotutako nutrizio adimendunaren arloan erreferentziazko gunea da.

‘Smart Nutrition Lab’ proiektua kontzeptu iraultzailea da, eta nutrizioan, osasunean eta ongizatean egindako azken aurrerapenak biltzen dituen laborategi gastronomikoa dauka, kirol-jarduera profesionalaren errendimenduari zuzenean aplikatuta, teknologia erabiliz eta datuen tratamendua eta aplikazioa ahalbidetuko duten esperientzia berriak garatuz.

Lezama izango da proiektuaren ardatz nagusia, eta ezagutza eta teknologia berriak bateratuko dituen jantokiarekin hasiko da. Bertan, futbolari bakoitzaren denbora errealeko informazioa bilduko da banakako gomendioa bihurtzeko, futbolari bakoitzaren helburu eta behar zehatzetara egokituta.

Gune berritzaile honetatik, Klubeko osagile eta nutrizionista taldeak errendimenduarekin eta osasunarekin zerikusia duten aldagai guztiei buruzko informazioa bilduko du, eta datu horiek aztertuko ditu futbolarien errendimendua eta ongizatea hobetzeko asmoz.
Smart Nutrition Labek eliteko kirolariek gizartea hobetzeko sortutako ezagutza partekatu nahi du, beste arlo batzuetarako erabilgarria, kirol-industria osoari aplika dakizkiokeen esperientziak sortuz eta teknologiaren bidez profesionalen lana erraztuz.

Athletic Clubek Smart Nutrition Lab jarri du martxan honako hauekin batera: Ikea (espazioen diseinu adimenduna), BM Supermerkatuak (supermerkatu ofiziala), AZTI (partner zientifikoa), Aretxarte (gastronomia-zerbitzuko operadorea), Grabit (elikagaien detekzio automatizatua), Proppos (elikagaien tracking gailuak), Microcaya (osasunaren analisi adimenduna), Visioluxe (ikus-entzunezko irtenbideak), The Health Company (nutrizio-arloko aholkularitza estrategikoa) eta Bizkaiko Foru Aldundia, erakunde laguntzailea den aldetik.

Nazioartean eragina duen tokian-tokian izango duen eraginaren filosofia, munduko kirol-nutrizioan erreferente izateko laguntzaile berriak sartzeko proiektu irekia.

Tokiko esparrutik nazioarteko eragina duen filosofia da, munduko kirol-nutrizioan erreferente bilakatzeko laguntzaile berriak sartzeko proiektu irekia.

Smart Nutrition Lab. Kirol-industriaren etorkizuna elikatuz.