Wandara bisita deboraldiko unerik onenean

Larunbat honetan lehoientzako irteera zailenetako bat iritsiko da. 12:00etatik aurrera Primera Iberdrolako 30. jardunaldia jokatuko dute Atletico Madrilen aurka, Wanda Kirol Zentroan. Iturregiren taldea denboraldiko sasoirik onenean heldu da, lau garaipen jarraian lortu ostean, eta koltxoneroek azken asteeko zurigorrien fidagarritasuna frogatuko dute. Gaztetasuna eta kalitatea uztartzen dituzten bi taldeen arteko topaketa izango da.

Sanchez Veraren taldeak 0-1 irabazi zuen iragan jardunaldian Madril CFFren aurkako derbian bere pitxitxiaren Ludmila golari esker (15 gol sartu ditu denboraldi honetan). Garaipen honekin Atletico Madrilek bost partidako bolada txarra eten du garaipena ezagutu gabe. Aurten, eta azkenekoetan ez bezala, taldea madriltarra ez dago sailkapeneko goiko postuetan, zazpigarren postuan dago 46 punturekin. Beraz, Europako postuetarako lehiatik urrun, Atlético Madril Erreginaren Kopan murgilduta dago, eta Levante UD kanporatu beharko dute aurtengo finalean sartzeko.

Lehen itzuliko partida 3-3 bukatu zen, lehoiek bi aldiz berdindu eta gero, eta Lucia Garciak berdinketa lortuko zuen 95. minutuan. Aurreko denboraldian zuri-gorriek puntu bat lortu zuten Wanda Kirol Zentroari egindako lehen bisitan (2-2), Lucía berak gol eta Laia Aleixandriren autogolari esker. Athleticek Manzanaresen erriberaren aurka lortutako azken garaipena 2015-2016 denboraldiari dagokio, eta garaipen hori ezinbestekoa izan zen kanpaina hartako liga txapelketa lortzeko. Erikak eta Irene Paredesen goleekin 1-2ko emaitzarekin bukatu zuten norgehiagoka.