Marcelino: “Oso ondo lehiatuko gara Real Madrilen aurka”

Athleticek Real Madrilen aurka neurtuko ditu indarrak bihar, 18:30etik aurrera, lehoiek San Mamesen jokatuko duten denboraldiko azken partidan. Marcelinok, bere taldeari aurkezten zaion erronkaren aurrean, Ligako 37. jardunaldiko partidan, maila bikaina eman nahi du: “Bihar oso ondo lehiatuko garela uste dut. Oso partida erakargarria da, asko eskatuko digun aurkari baten aurka. Gure asmoa izango da ahalik eta gehien deseroso sentiaraztea. Fidagarriak izan behar dugu”.

Entrenatzaile asturiarrak azpimarratu du gakoetako bat asmatzea izango dela, bai zurigorrien arean, bai aurkariaren arean: “Espero dugu gure alde egitea bi areatan asmatzeak. Lehiatzen eta irabazten saiatuko gara, beti egiten dugun bezala, ahalik eta esfortzu handienarekin. Gu, Athletic, beti gaude partida parekatuetan edozein aurkariren aurka. Gure gaitasun osoa erakutsi nahi dugu, partida oso ona egin eta zalantzak aurkariari sortu”.

Athleticek, Marcelinoren aginduetara, Real Madril hartu zuen mendean Superkopan. Entrenatzaileak ordukoaren antzeko partida bat espero du: “Beti da zaila talde handi bati bi aldiz jarraian irabaztea, baina ez dugu egoera horretan pentsatu behar. Partidari dagokion bezala aurre egin behar diogu, titulua irabazteko dituen aukera guztiak geratzen zaizkion bi partidak irabaztea da. Ea talde handi horiei irabazteko beti beharrezkoa izaten den trebetasun hori dugun”.