San Mames, #PorElClima ostalaritza ekimenarekin bat egin duen lehen estadioa
San Mames, #PorElClima ostalaritza ekimenarekin bat egin duen lehen estadioa
Katedrala protagonista aktibo bihurtzen da Klima Aldaketaren aurkako ekintza honetan, Parisko Hitzarmenean ezarritako jarraibideen arabera
Iraunkortasunarekiko konpromisoa funtsezkoa da gizartearen ibilbide-orrian, eta, gainera, etorkizunari eta susperraldi ekonomikoari aurre egiteko laguntzaile bihur daiteke. Horregatik, enpresa handiek eta gizarte-erreferenteek eginkizun garrantzitsua dute eredu izanez eta aldaketarako eragile aktibo gisa jokatuz.
Testuinguru horretan, San Mames, Sodexo taldearen eskutik (San Mames BATen zerbitzua emateaz arduratzen den enpresa partidu egunetan), #PorElClima ekintzan parte hartuko duen lehen zelaia izango da, helburu komun batekin bat egiten duten pertsona, enpresa, erakunde eta administrazio publikoen ekimen aitzindaria bihurtuz.
Horrela, San Mames BAT erakundeak konpromisoa hartzen du bere jarduerak ingurumenean duen eragin negatiboa murrizteko, ur-kontsumoa murrizteko edo hondakinak hobeto kudeatzeko neurri batzuen bidez. San Mameseko espazioak kontsumo jasangarriagoa eta arduratsuagoa egiteko konpromisoa ere hartu du.
San Mames BAT, San Mameseko erdiko eraztunean kokatua, Athleticez gozatzeko pentsatutako tokia da, bere historia eta tradizioa kokapen paregabe batekin eta kalitate goreneko zerbitzu batzuekin, partida hasi baino ordu eta erdi lehenagotik aurreko giroa bizitzeko aukera ematen duena eta ondorengo orduan “hirugarren denboraz” gozatzeko aukera ematen duena, kalitatezko gastronomia eskainiz Bizkaiko chef taldearen eskutik, 11 Michelin izar batzen dituena.
Horrela, San Mamesek #PorElClima ekimenarekin bat egiten du, gizartearekin, gure ingurunearekin eta etorkizun hobearekin konpromezua hartzea erabaki duten establezimenduen komunitatea batzen duen plataforma digitala. #PorElClima komunitatearen parte da, eta Ecodesek garatu du idazkaritza exekutibo gisa, Coca-Colaren lankidetza estrategikoarekin eta Espainiako Ostalaritzaren laguntzarekin.
Ezagutu konpromisoaren ekintza guztiak.
#PorElClima Ostalaritza taldeari buruz
#PorElClima Ostalaritza taldea 2017an sortu zen, larrialdi klimatikoa geldiarazteko eta mundu hobea eta jasangarriagoa ahalbidetzeko neurriak hartzeko mundu mailako deialdiaren ondoren.
Ekimenak, irtenbideetan oinarritutako ikuspegi positiboarekin, ostalaritza-enpresak Parisko Akordioaren helburuekin bat egitea errazten du. Hori guztia, ostalaritzak jada klimaren alde egiten dituen ekintzak azalduz eta ikusaraziz, eta tresnak, informazioa eta jarduteko jarraibideak eskainiz, guztion inplikazioarekin, klima-aldaketa geldiarazteko.
2017an martxan jarri zenetik, 851 establezimenduk egin dute bat ekimenarekin, eta klimaren aldeko 6.900 ekintza baino gehiago egin dituzte. Gainera, sektorearen jardunbide egokiei garrantzia eta ikusgarritasuna emateko, #PorElClima Ostalaritzaren webguneak 138 istorio baino gehiago eta bost kasu arrakastatsu argitaratu ditu.