San Mames, urdinez Errefuxiatuen Nazioarteko Eguna dela eta
San Mames, urdinez Errefuxiatuen Nazioarteko Eguna dela eta
Katedrala atzo distiratsu agertu zen eta “ekintza oro kontuan” lelopean egin du bat Mundu Egun garrantzitsu honekin
Athletic Clubek bat egin du Errefuxiatuen Nazioarteko Egunarekin, asiloa eskatzen duten eta beren sustraietatik urrun dagoen bizitza berri baten bila duten guztia atzean uzten duten pertsonen balioa, indarra eta erabakitasuna aitortzeko asmoarekin. Errekonozimendu hori, jakina, pertsona horiek babesten eta bizitzaren esparru guztietan sartzen laguntzen duten profesional eta boluntarioei zabaltzen zaie, hezkuntzatik hasi eta osasunera edo kirolera joanda.
ACNURek azaldu duenez, milioi bat pertsonak eskatzen dute asiloa urtero, euren jatorrizko lekuetatik ihes egitera behartuta, pobreziaren, jazarpenaren edo gatazka armatuen mehatxupean. Iheslarientzako Nazio Batuen Goi Mandatariaren arabera, gaur egun ia 30 milioi errefuxiatu daude munduan zehar, eta horietatik erdiak baino gehiago adingabeak dira.
Horrela, San Mamesek ekainaren 19tik 20rako gauean errefuxiatuen eguna ospatzeko urdinez argiztatu diren eraikin, monumentu eta hirien zerrenda zabalean agertu zen.