Athletic, zaurituta dagoen Real Madril baten aurka

Ez da ia denborarik pasa joan den asteazkenean Valentzian lortutako garaipena dastatzeko. Leohiek bosgarren jardunaldia jokatuko dute bihar, 12:00etatik aurrera, Real Madrilen aurka. Izan ere, madrildarrek 12tik puntu bakarra lortu dute denboraldi hasiera honetan. Zuri-gorriek, berriz, lau norgehiagoketatik hiru irabazi dituzte eta etxean estreinatu nahi dute.

Iturregiren taldeak Lezaman, bere ohiko zelaian, jokatuko duen lehen partida izango da, bigarren jardunaldia San Mamesen Realaren aurka jokatu ondoren. Bitxia bada ere, zuri-gorriek etxetik kanpo jokatu dituzten hiru partidak irabazi dituzte eta etxekoa galdu; beraz, biharko norgehiagokak hiru puntu baino gehiago izango ditu.

Garaipena lortuz gero, Athletic Clubek hirugarren garaipena lortuko luke jarraian. Sentsazio eta behar ezberdinak ditu Real Madrilek, Granadillaren aurka berdinduta puntu bakarra lortu baitu. David Aznarren taldea jaitsiera postuetan dago hamalaugarren postuan. Ezusteko hasiera izan da Women ‘s Champions Leagueko atariko fasean Manchester City kanporatzea lortu duen taldearentzat.

Real Madril, denboraldia ondo hasi ez duen taldea

Athletic Cluben eta Real Madrilen arteko hirugarren partida ofiziala izango da, aurreko denboraldian talde txuriak irabazi eta gero. Valdebebasen (1-0) eta Lezaman (1-3), beraz, lehoiek lehen garaipena lortzeko gogoa izango dute.

Aurreko denboraldian bigarren sailkatu zen Real Madril, fitxaketa handiak egiteko duten gaitasunagatik Estatuko emakumezkoen futboleko taldea. Denboraldi honetan zuriz janztea erabaki dute Estherrek (2020-2021eko bigarren goleatzaileak), Nahikarik, Atheneak, Zornozak eta Méline atezainak.