Lezamako jokalari berriak, San Mamesen
Lezamako jokalari berriak, San Mamesen
Klubeko beheko mailetara iritsi berri diren jokalariek hitzaldi informatibo bat jaso dute eta Katedraleko txoko guztiak ezagutu dituzte
Athletic Clubek, Lezamako beheko mailetara iritsi berri diren jokalariei ongietorri beroena emateko asmoz, ekitaldia antolatu zuen San Mamesen harrobiko jokalariekin eta haien senideekin batera. Zuri-gorrien zelaian, Athleticen oinarrizko futbolaren kide berriek Kirol Zuzendaritzako, AC Museoko eta Arreta Integraleko Saileko arduradunen hitzaldiak entzun zituzten, eta talde berezi honen historiako eta bertako kide guztiek sustatu behar dituzten balioak barneratu zituzten.
Ondoren, bertaratutakoek bira bat egin zuten estadioan zehar, eta San Mames barrutik ezagutzeko aukera izan zuten. Jokalari horietako batzuen etxea izango da etorkizunean Katedrala.