Mariasun Quiñonesen bizitza zuri-gorri berria

Mariasun Quiñones zoriontsu da Bilbon. Espainiako selekzioarekin jokatzen duen atezaina joan den uztailean iritsi zen Athletic-era. Hondarribitarrak 2024ko ekainera arte atepea defendatzen jarraituko du. 25 urteko futbolaria Realetik heldu zen udaran, etapa berria bizi nahian. Funtsezkoa izan zen azken urteetan talde txuri-urdinean eta bere kirol ibilbidean aurrera egiteko asmoz, taldez aldatzea erabaki zuen.

Quiñonesek “24” zenbakiarekin egin zuen debuta, ligako lehen jardunaldian, Madrid CFFren aurka. Partida guztiak jokatu ditu, azkena izan ezik, Andrea De la Navak Sporting Huelvaren aurka defendatu baitzuen. Zoriak zuri-gorri bezala etxean jokatu zuen lehen partida Lezaman ez jokatzea nahi izan zuen, San Mamesen jokatu zuen lehen aldiz etxean bere talde ohiaren aurka.

Mariasunek atepean duen kemena erakutsi du eta oso lan sendoa egiten ari da denboraldi hasiera honetan. Iturregiren taldeak bezala, Quiñonesen lehen denboraldiak martxa ona darama. Aldagelako egokitzapena oso positiboa izan da eta “Sun”-ek Lezamako entrenamendu bakoitzaz gozatzen du taldekide berriekin batera.

Hurrengo bideoan, atezainak Bilboko tokirik esanguratsuenetako bat bisitatuko du, izan ere, gipuzkoarrak arratsalde libreren bat aprobetxatzen du bere hiri berria ezagutzeko. Txangoa aprobetxatzen dugu atezainaren lehen hilabete zuri-gorri hauek ezagutzeko.