“Taldea fidagarria da, garaitzeko zaila, eta argudioak ditu”

Marcelino García Toralek komunikabideen galderei erantzun die Lezamako prentsa aretotik, Ligako 16. jardunaldiko Getafe CFren aurkako partidaren atarian.

Entrenatzaile zurigorriak animoz ikusten du taldea, nahiz eta azken emaitzak esperoetakoak ez izan: “Aldagela ondo dago, ondo egindako lanaz jabetzen zarenean kontzientzia lasai izan behar duzu. Zalantzarik gabe, Bernabeuko partidaren ondoren triste geunden, merezimenduak egin genituen garaipena lortzeko gure ligako arerio zailenarekin aurka. Horrek ez digu ez anbizioa ez ilusioa kentzen. Ikusi behar dugu taldea fidagarria dela, garaitzeko zaila eta argudioak dituela. Oro har, taldea ondo ikusten dut, ez baitizkigute aukera gehiegi egiten“.

Jokalariek golak sartzeko dituzten zailtasunei buruz galdetuta, Marcelinok uste du laster aldatuko dela bolada: “Zenbakiak oso zehatzak dira, eta gureak bezalakoak direnean, uste dut ezer gutxi aldatu behar duzula, makila magiko bat ateratzea edo lanean jarraitzea izan ezik. Ziur nago dinamikak aldatuko dela. Gure erasoko jokalariengan sinesten dugu eta gure babes osoa ematen diegu. Ez da oso normala horrelako bolada bat izatea taldeak 15 partida hauetan erakutsi duenarekin. Garrantzitsuena ausardia eta erabakia izatea da”. Teknikarien taldea horretarako giroa alaia izan dadin saiatzen ari da: “Atal askotan onenetakoak gara eta ez garenetan gogo biziz lan egin behar dugu“.

Azkenik, biharko neurketari dagokionez, Athleticeko entrenatzaileak uste du “partida zaila eta lehiatua izango dela, dinamika onean dagoen talde baten aurka. Norgehiagoka itxia izango dela suposatzen da, oso taktikoa, eta baloi zatituekin. Onenak irabaziko du, gu izatea espero dugu, talde honek asko merezi duelako. Getafe gauza askotan aldatu da Quique iritsi zenetik. Uste dut ondo frogatutako entrenatzailea dela eta bere taldeak lehiakorrak izatea eragiten duela”.