“Joan den urteko baino talde hobea gara”

Marcelino Garcia Toralek prentsaurrekoa eskaini du Atleticoren aurkako Superkopako finalerdiaren aurreko azken entrenamendua zuzendu baino lehen. Entrenatzaile zuri-gorriak bere taldearen papera goraipatu du: “Oso pozik gaude titulua berrestetik bi partidara egoteaz, eta, aldi berean, munduko hiru talde onenen aurka egiteaz. Finalera iristeko eta talde erraldoi hauei irabazteko asmo eta ilusio guztiarekin lehiatuko gara”.

Biharko aurkariari, Atletico Madrili, dagokionez, Marcelinok azpimarratu du “oso talde ona dugu aurrean, baina badakigu ere zein den gure maila. Oso emaitza estuak lortu ditugu beri haien aurk, eta azken urtean garaipen, porrot eta berdinketa bana eskuratu ditugu. Bien arteko berdintasuna adierazten du horrel. Partida bakarrera ez gaude haiengandik urrun, asmatzeak erabakiko du partida”.