Muniainek jokatutako partidatan Piru Gainza berdindu du
Muniainek jokatutako partidatan Piru Gainza berdindu du
Kapitain zuri-gorriak Athletic Clubeko jokalari historikoa berdindu du 496 partida ofizialekin
Iker Muniainek Piru Gainza jokalari historikoa berdindu du gaur Athletic Clubeko elastikoarekin jokatutako partiden rankingean. Valencia CF-en aurkako norgehiagoka honekin 496. partida izango da egungo kapitainak kamiseta zuri-gorria defendatzen duena. Hain zuzen ere, LaLigako 381 norgehiagoka, Kopako 50, Superkopako 4 eta 61 Europan (54 Europa Ligan eta 7 Txapeldunen Ligan) jokatu ditu. Dagoeneko, Pirurekin batera, Athleticen partida gehien jokatu dituen seigarren jokalaria da.
Bi jokalariek kopuru hori One Club Man izanda lortu dute, baina Txantreakoak, Basauriko aurrelariak ez bezala (21 denboralditan lortu zuen errekorra), 13 denboralditan eskuratu du marka berdintzea. Denboraldiz denboraldi jokalari nafarrak taldean duen garrantziaren eta zamaren adibide argia da. Gogoratu behar da Muniainek belauneko bi lesio larri izan zituela aurreko denboraldietan, hilabetetan zelaietatik urrundu zituen.
Athletic Cluben partida gehien jokatu dituzten jokalariak
1. Iribar (614)
2. Rojo I (541)
3. Joseba Etxeberria (514)
4. Iraola (510)
5. Susaeta (507)
6. Muniain (496)
7. Piru Gainza (496)