Jonathan Ledesmak emakumezkoen bigarren taldea zuzenduko du

Emakumezkoen bigarren taldeak entrenatzaile berria du 2022-2023 denboraldirako. Jonathan Ledesma da entrenatzailea, eta bihar bertan zuzenduko du Lezaman lehen lan-saioa. Zallako teknikariak (1979-05-18) eskarmentu handia du gizonezkoen Bizkaiko futbolean. 2005ean Retuertoren gidaritza hartu zuen eta 2009an Hirugarren Mailara igo zen. Gernikatik pasa zen ondoren, Euskadiko 18 urtez azpiko selekzioa zuzendu aurretik, Espainiako txapelketa irabaziz. Euskadiko amateur mailako selekzioa zuzendu zuen 2015etik 2018ra, hurrengo denboraldian 18 urtez azpikoan izan zen berriro. Mallonako aulkia izan da zuzendu duen azkena, Danok Bateko Ohorezko Gazte Maila taldea.

Ledesmak Angel Velez "Moska" izango du lagun, filialean jarraitzen duena, baita June Mendizabal prestatzaile fisikoa ere. Manex Sagarna, 2015-2016 denboralditik orain arte lehen taldeko atezainen entrenatzailea izan dena, 1. RFEFko atezainak prestatzeaz arduratuko da.

Behar diren proba mediko eta fisikoak gainditu ondoren, bigarren talde zuri-gorriak lehen lan saioa egingo du bihar Lezaman, 10:00etatik aurrera, 7. zelaian. Bigarren Mailan egingo duten denboraldia erronka handia izango da harrobiko futbolari gazteentzat, iragana elitean duten 16 klubeko lehiaketa baten barruan baitaude.