2022-23 Gazte Abonoaren zozketan saririk jaso ez zuten gazteentzako neurrien xehetasunak

‘Club Athletic’ programari atxikitzeko prezioa 50€-koa da. Gazte Abonoaren hasierako zozketan saririk lortu ez zuten pertsonek, eta saridunak izan arren Gazte Abonoa kontratatu ez zutenek, %50eko deskontua izango dute, hau da, ‘Club Athletic’-era atxikipen-prezioa 25€-koa izango da kolektibo honentzat ‘Club Athletic’-eko kide gisa izandako lehenengo urtean.

Club Athleticen KONTRATAZIO PROZESUA:

Gazte Abonoaren hasierako zozketan saririk jaso ez zuten pertsonek, eta saridunak izan arren Gazte Abonoa kontratatu ez zutenek, Club Athleticen izena emango dute beste edonork bezala, 50€ ordainduta, Club Athleticen webgunean dagoen plataforman: https://clubathletic.athletic-club.eus/eu/hasiera?utm_source=athletic-club.eus&utm_medium=referral&utm_campaign=actualidad-athletic-club&utm_content=2022-23-gazte-abonoaren-zozketan-saririk-jaso-ez-zuten-gazteentzako-neurrien-xehetasunak

Ondoren, izena eman eta 48 orduko epean, Klubak 25€ itzuliko ditu, izena emateko erabilitako kreditu-txartelean.

Egun, Club Athleticeko kideek abantaila hauek dituzte:
Deskontuak eta sarrerak:
-    Lezamako partidetarako sarrera doan (Bilbao Athletic eta Emakumezkoen taldearen neurketak barne)
-    %5ekoa Klubeko denda ofizialetan
-    %50ekoa AC Museoan
-    %10ekoa AC Campusean 
-    48 orduko lehentasuna San Mameserako sarrerak erosterako orduan.

Esperientzia paregabeak:
-    Zozketak:
o    Sarrerak eta kamisetak
o    Bisita gidatuak Lezaman
o    Meet and greet
-    Athletic Clubeko aldizkari ofiziala
AC Fundazioari dohaintza
Welcome Pack lehen denboraldian

Horrez gain, Klubak honako abantaila hauek ditu Gazte Abonoaren hasierako zozketan sarituak izan ez ziren pertsona guztientzat, bai eta sarituak izan arren Gazte Abonoa kontratatu ez zutenentzat eta Club Athletic-en izena eman dutenentzat ere:

1. Gazte Abonoak Klubari eserlekua lagatzeagatik libre geratzen diren IBHko eserlekuen lehentasunezko sarbidea

Gaur egungo Gazte Abonoak bere eserlekua Klubari lagatzeko aukera izango du Abonuaren barruko partida bakoitzean. Klubaren webgunean dagoen plataformaren bidez egingo dute, Klubeko app-an sartzeko dituzten egiaztagiri berberekin.

Halaber, datozen egunetan Klubari eserlekua lagatzeko aukera emango da, Klubaren app-aren bidez.

Gazte Abonoaren eserlekua saltzen bada 10€-ko konpentsazio ekonomikoa jasoko dute partida bakoitzeko.

Gazte Abonoek Klubari lagatako eserleku horiek, hasiera batean eta lehentasunez, 25 euroko prezioan, Gazte Abonoaren hasierako zozketan sarituak izan ez zirenei eskainiko zaizkie, baita sarituak izan arren Gazte Abonoa kontratatu ez zutenei eta Club Athletic-en izena eman dutenei ere.

Lagapen- eta salmenta-prozesu horretatik ateratzen den etekina AC Fundaziora bideratuko da.

-    Gazte Abonoak Klubari lagatzeko prozesua

•    Partida bakoitza hasi baino bi aste lehenago, eserlekua lagatzeko aukera jarriko da Klubaren webguneko plataforman.
•    Gazte Abonoak Klubeko app-ra sartzeko egiaztagiri berberekin sartuko dira.
•    Lagapen-epea amaitu egingo da, eta, beraz, aukera hori desgaituta geratuko da plataforman, partida jokatu baino 24 ordu lehenago.
•    Prozesu honetan libre geratzen diren eserlekuak eskuragarri egongo dira Gazte Abonoaren hasierako zozketan sarituak izan ez ziren pertsonek erosteko, bai eta, sarituak izan arren, Gazte Abonoa kontratatu ez zutenek eta Club Athletic-en izena eman dutenek erosteko ere. Partidako sarreren salmenta itxi ondoren, Gazte Abonoek kontratazio-prozesuan emandako kreditu-txartelean 10 € ordainduko zaie sarrera saldu zaienentzat.

-    Gazte Abonoaren zozketan izena eman zuten eta saririk jaso ez zuten edo, sarituak izan arren, azkenean abonua gauzatu ez zuten Club Athleticeko kideentzako sarrerak erosteko prozesua.

•    Gazte Abonoaren hasierako zozketan sarituak izan ez ziren pertsonek, bai eta saridunak izan arren Gazte Abonoa kontratatu ez zutenek eta Club Athletic-en izena eman dutenek ere, San Mameseko edukiera osoko sarrerak erosteko plataforma esklusiboa izango dute, Ipar Beheko Harmailako Herri Harmailan Gazte Abonoek libre utzitako eserlekuak barne. Club Athletic-eko egiaztagariarekin egingo dute.
•    Ipar Beheko Harmaileko sarreren prezioa 25 €-koa izango da, eta erosketa egiterakoan bidaliko dira posta elektronikoz, pdf formatuan.
•    Erosketa-aldia: publiko orokorrarentzat salgai jarri baino 48 ordu lehenago hasi eta partida jokatzeko ordura arte.

2.    Gazte Abonoetan sartzen ez diren Kopako partidetarako IBHko sarrerak

22-23 denboraldi honetako Gazte Abonoak ez ditu Kopako partidak barne hartzen. Horrek 2.170 eserleku libre uzten ditu IBHko herri harmailan. Eserleku horiek Gazte Abonoen eta Club Athleticeko kideen eskura jarriko dira Gazte Abonoaren zozketan izena eman zuten 14 eta 28 urte bitartean, baldin eta saririk jaso ez bazuten edo sarituak izanik azkenean kontraturik egin ez bazuten.

-    Eserleku horiek erosteko eskubidea esleitzeko prozesua:

o    Partida jokatu baino astebete lehenago (partiden arteko daten tarteak aukera ematen badu) eserleku guztien (2.175) zozketa jarriko da abian Gazte Abonoaren zozketan izena eman zuten 14 eta 28 urte bitarteko Gazte Abonoaren eta Club Athleticeko kideen artean, baldin eta saririk jaso ez bazuten edo sarituak izanik azkenean kontratua egin ez bazuten.
o    Zozketa horretako irabazleak Klubaren webgunean sartu ahal izango dira sarrerak saltzeko plataformara. Bertan, 2.175 eserlekuak izango dituzte eskuragarri Ipar Beheko Harmailako herri harmailan.
o    Plataforma horretarako sarbidea Gazte Abonoen eta, hala badagokio, Club Athletic-en egiaztagiriarekin egingo da.
o    Zozketa honetan sarituak izan direnentzat soilik izango diren sarrerak erosteko aukera partida egin baino 48 ordu lehenago amaituko da. Orduan, Gazte Abonoaren zozketan izena eman duten gainerako Gazte Abonoak eta Club Athleticeko 14 eta 28 urte bitarteko kideek, baldin eta sarituak ez badira edo saridunak izan badira, azkenean ez badute kontraturik egin, eta Kopako zozketan saririk jaso ez badute, erosteko aukera ere izango dute.
o    Ipar Beheko Harmailako sarreren prezioa 25 €-koa izango da, eta erosketa egiterakoan bidaliko dira posta elektronikoz, pdf formatuan.
o    Abonoaren barruan dauden Ligako partiden %85 baino gehiagotan joan ez edo beren eserlekua beste pertsona bati edo Klubari utzi ez dioten Gazte Abonoek ez dute eserleku horiek erosteko aukerarik izango, baldin eta denboraldi honetan Kopako partidara arte jokatu badira.