Partida aurrekoa: Athletic Club - Atletico de Madrid (LaLiga 9. J)

Partidatzarra San Mamesen. Athletic Club eta Atletico Madrid aurrez aurre izango dira gaur gauean (21:00etan) Katedralean. Bertan, futbol-gau handi bat espero da, zelai zuri-gorria gainezka egongo baita. Lehoiek egoera bikainean egingo diote aurre neurketari, Sevillan berdinketa baliotsua lortuta, lau partida kateatu dituzte porrota ezagutu gabe. Ernesto Valverderen taldeak hirugarren garaipena jarraian lortu nahi du Katedralean Txapeldunen Ligako postuetan finkatzeko. Gaurko aurkariak, Brujasen aurka berdindu ondoren, puntu bat gehiago duen talde bilbotarra harrapatu nahi du sailkapenean. San Mamesen espero den borroka sekulakoa izango da, jardunaldi barruko norgehiagokarik nabarmenetako bat izanda eta txapelketaren historiako partida klasiko bat baita.

Deialdia

Entrenatzaile zuri-gorriak honako jokalarien zerrenda hau osatu du Atletico Madriden aurka aritzeko. Vivian, bere lesioa atzean utzi eta gero, deialdian sartu da. Yuri, min hartuta, jardunaldi berri bat baja izaten jarraituko du. Aldiz, Vivian, guztiz osatuta, biharko partidan jokatzeko prest izango da. Bestalde, Ander Herrerak partida bateko zigorra beteko du Sevillan ikusitako txartel gorriaren ostean. 

Valverde 

Lehoien eta madrildarren arteko norgehiagokaren atarian egindako Ernesto Valverderen adierazpenak, hemen osorik.

Aurkaria

1903ko apirilaren 26an Madrilgo Athletic Club sortu zen, euskal ikasle talde batek bultzatuta, talde berri bat sortzeko asmoz. Atletico Madrilen elastiko zuri-gorriak 1911ko urtarrilaren 22an hasi ziren erabiltzen, eta, ondorioz, «Koltxoneroak» izena jarri zioten, uniformea eta garai hartako koltxoien zorroak antzekoak zirelako. 1936an, gerra zibila iritsi zenean, lehiaketa ofizialak bertan behera geratu ziren, eta, gatazka amaitu zenean, Abiazio Nazionalarekin, Aireko Armadaren kirol-atalarekin, bat egin zuen klubak, Athletic Aviacion de Madrid izen berriaren pean. 1947an, gaur egun ezagutzen dugun moduan deitu zitzaion, Atletico de Madrid.

Espainiako klubik sarituenetako bat da, estatuko eta nazioarteko tituluen artean hogeita hamarretik gora dituena. LaLiga Santanderren 84 denboraldi egin ditu, eta 1929ko inaugurazio denboraldian parte hartu zuten hamar klubetako bat da. Ligako hamaika titulurekin, txapelketako liga gehien lortu dituen hirugarren kluba da, eta txapelketako sailkapen historikoko hirugarren postuan dago. Kopako lehiaketan beste hamar titulu lortu ditu, eta finalista izan da beste bederatzi ediziotan. Aipatutako hogeita bat tituluez gain, Altetico de Madridek Espainiako Superkopako bi titulu irabazi ditu, lehiaketa honetako aurreko beste hiru titulurekin batera. Espainiako txapelketetatik kanpo, Europako zortzi talde sarituenetako bat da UEFA txapelketetan: Txapeldunen Ligako hamasei edizio jokatu ditu, hiru azpitxapeldun; bederatzi Europako Errekopa. 

Talde koltxoneroa Ligako sailkapeneko laugarren postuan dago, 16 punturekin. Atletico Madrid jokatutako azken bost partidatan porrot bakarrarekin iritsiko da San Mamesera. Real Madriden aurka galdu zuen, Real Sociedad-en aurka berdindu eta bi garaipen jarraian lortu ditu Sevilla eta Gironaren aurka, Celtaren aurka ere hiru puntuak lortuta.



Estatistikak

1928-29 denboraldian Ligan lehen aldiz elkarren aurka jokatu zutenetik, Athletic Clubek eta Atletico Madridek elkarren aurka 170 partida jokatu dituzte maila gorenean, balantzea madrildarren alde izanik: 63 garaipen, 31 berdinketa eta 76 porrot.

San Mamesen jokatutako partidei dagokienez, balantzeak irribarre egin dio Athletici. Bilboko taldeak ez du galdu Atleticok Katedralera egindako azken lau bisitetan, hiru garaipen eta berdinketan amaitutako partida batekin. Totalean, zuri-gorrien alde: 44 garaipen, 16 berdinketa eta 25 porrot.



Bi taldeen arteko azken bost norgehiagokei dagokienez, kanpoko taldeak horietako hirutan galdu du. Madrildarren garaipen bakarra.



Atletico Madriden aurkako estatitiskak osorik, hemen. 

Athleticzaleak munduan zehar

Zauden lekuan zaudela, ziurtatu gure Athleticen partida ez duzula galtzen.