Batzarrak gai-zerrendako puntu guztiak onartu ditu
Batzarrak gai-zerrendako puntu guztiak onartu ditu
Bazkide konpromisarioek baiezkoa eman diete kontuen itxierari, aurreko kudeaketari, denboraldi honetako aurrekontuari, erregelamendu organikoaren proiektuari eta estatutuen aldaketa puntualari
Jon Uriarteren Zuzendaritza Batzordearen lehen Ohiko Batzar Nagusian gai-zerrendako puntu guztiak onartu dira. Euskalduna Jauregian bildutako bazkide konpromisarioek baiezkoa eman zioten, ordena horretan, 2021-22 kontuen itxierari, aurreko Zuzendaritza Batzordearen kudeaketari, LNFP-k baliozkotutako aurrekontuari (2022-23 denboraldirako), erregelamendu organikoaren proiektuari eta estatutuen 11.2 b artikuluaren aldaketa puntualari.
700 konpromisario baino gehiago joan ziren Estatutu Berrien osteko lehen hitzordura, eta oso arin egin zen, bozketetan aginte elektronikoek behar bezala funtzionatu zutelako, telematikoekin batera.
Batzarrean, gainera, Gonzalo Sever Cereceda izendatu zuten Klubeko Bazkideen Defendatzaile. Honako hauek dira Diziplina Batzordeko kideak: Guillermo Aranzabe Pablos (presidentea), Jesús María Mier Quintana, Álvaro Uriarte Bilbao, Max Yacob Urruticoechea eta José Antonio Velilla Iriondo. Gainerakoak, Iñigo Marín Peña, José Ramón Taranco Ortiz eta Asier Iker Carrasco izango dira ordezko.
Apelazio Batzordean, bazkideen ordezkariak Meritxel Iturrate Pérez, Gonzalo Apaletegui Careaga, Gonzalo Fernández Ibáñez, Gonzalo Hernando Gómez eta Mikel Urkiaga Urkiza izango dira.
Hauteskunde Batzordea osatu dute: Borja Urcelay Dorronsorok, Monika Durango Garcíak, Ainhoa Gutiérrez Barrenengoak, Jon Iñaki Lavínek eta Mikel Bengoetxea Larrinagak.