Athletic Club azaroaren 28an itzuliko da entrenamenduetara
Athletic Club azaroaren 28an itzuliko da entrenamenduetara
Lehoiek, Munduko Txapelketan dauden jokalariak izan ezik, Lezamako saioei ekingo diete berriro bi aste barru
Athletic Clubeko gizonezkoen lehen taldeak geldialdia egin du Qatarko Munduko Txapelketa dela eta. Lehoiek Real Valladolidi irabazi zioten LaLigan eta UD Alzirari Kopan jokatutako azken bi partida ofizialetan, Europako liga nagusiak geldituko dituen selekzioen arteko munduko hitzorduaren aurretik.
Orain pilak kargatzeko eta datorrenari ahalik eta berme handienarekin aurre egiteko txanda da. Lehoiek entrenamenduetara itzultzeko data finkatuta dute. Ernesto Valverderen taldeak, Munduko Txapelketan egongo diren jokalariak izan ezik (Iñaki Williams, Nico Williams eta Unai Simon), Lezaman ekingo dio lan saioei azaroaren 28an, astelehenean.
Txapelketa ofizialera itzuli aurretik, Athletic Clubek Guadalajarako Chivasen aurkako lehia du baieztatuta. Zuri-gorriek abenduaren 11n hartuko dute talde mexikarra, 19:00etan, Gernikako Arbola Trofeoaren joaneko partidan. Itzulerako neurketa 2023ko uztailerako aurreikusita dago Mexikon.
Munduko Txapelketa amaitu bezain laster, abenduaren 21ean jokatuko den Kopako bigarren kanporaketaren txanda izango da. Astebete geroago, Athletic Club LaLigara itzuliko da Benito Villamarinen jokatuko duen norgehiagokarekin, Betisen aurka (data eta ordua konfirmatzeke).