Xabi Solanoren (Esne Beltza) kontzertua San Mameseko derbiaren aurretik
Xabi Solanoren (Esne Beltza) kontzertua San Mameseko derbiaren aurretik
Larunbateko partida dela eta, Athletic Plazari amaiera emango dion kontzertua 19:00etan hasiko da zelai barruan, Xabi Solano eta Zigor DZren eskutik
San Mamesek Athletic eta Realaren arteko derbi berezia hartuko du larunbat honetan, 20:00etatik aurrera. F Ligako bi taldeen arteko lehiari Athletic Plazaren atarikoa gehitu behar zaio, bigarren edizio honetan euskararen erabilera bultzatu eta berdintasuna sustatzea helburu izango duena..
12:00etatik aurrera, San Mameseko zabaldegian adin guztientzako ekintza ugari izango dira, eta festa bukatzeko, zelaiaren barruan, Xabi Solano Maiza (Esne Beltza) musikariaren kontzertua egongo da, 19:00etatik aurrera, emakumezkoen derbira bertaratzen diren guztientzat eskainia. Partidarako sarrerak kontzertua ikusteko aukera emango du.
Xabi Solano eta Zigor DZ Esne Beltza euskal talde ospetsuko kideak izango dira Katedraleko harmailak zutik jartzeko arduradunak, 45 minutu inguruko iraupena izango duen emanaldi batekin.
Oraindik sarrerarik ez baduzu, 5 eurotik gora eskuratu dezakezu Athletic Clubeko sarreren webgunean.