Alex Pallares: "Ziur nago egoera hau aurrera aterako dugula"

Alex Pallares Bilbao Athleticeko entrenatzaile gisa aurkeztu dute Lezaman Sergio Navarro harrobiko zuzendariarekin, Mikel Gonzalez kirol garapeneko eta lagapenetako zuzendariarekin, Ander Vidal operazio zuzendariarekin eta Xabier Alvarez Zuzendaritza-Batzordeko kidearekin batera.

Bigarren taldearekin bere lehen entrenamendua zuzendu aurretik, Bartzelonako entrenatzaileak komunikabideei erantzun die, eta ilusio handiz hartu du erronka: "Beste klub batzuetako prestakuntzan urte askoan lan egiteko zortea izan dugunontzat, Athletic erreferentzia bat da beti, mundu mailako erreferentzia ez esatearren. Nire burua prestatzailetzat daukadanez, nahiz eta futbol profesionalean ere lan egin, Athletic klub paregabea da, berezia, idiosinkrasia ederra duena eta deigarria dena".

Pallares baikorra da Bilbao Athleticen emaitzen dinamika negatiboari buelta emateko: "Uste dut talentua dagoela taldean, jokalari onak daude, Klub hau maite duten mutil oso lotuak. Bakoitzak duen potentzial handiena ateratzen saiatuko gara egoera hau aurrera ateratzeko, ziur bainago lortuko dugula. Ez banengo, ez nintzateke hemen egongo".

Azkenik, ezarritako helburuei dagokienez, kataluniarrak argi dauka: "Kluba eta biok bat gatoz helburu nagusia mutil horiek hobetzea eta aurrera egitea dela, egunetik egunera lehen taldera iristetik gertuago egon daitezen. Horixe da lehenengo helburua. Ondoren, jakina, lehiaketa profesional oso zorrotz eta konplexu batean gaude, non aurkariek oso maila ona duten eta mailari eusteko lan egin beharko dugun. Koherenteak izan behar dugula uste dut. Harrobia gara eta logikoena lehen taldearen antza hartzea da, Ernestok bidea errazago izan dezan".