Madrid CFF, final-zortzirenetako aurkaria Erreginaren Kopan
Madrid CFF, final-zortzirenetako aurkaria Erreginaren Kopan
Talde madrildarraren eta Athleticen arteko norgehiagoka partida bakarrera izango da Lezamatik urrun urtarrilaren 12an, osteguna, 20:00etan
Athletic Clubek Madrid CFF izango du aurkari 2022-23ko Erreginaren Kopako final-zortzirenetan. Iazko Liga txapelketan zortzi sailkatu onenen artean egoteagatik, lehoiak lehian sartuko diren lehen kanporaketa izango da. Partida bakarrera jokatuko da Madrilen urtarrilaren 12an, osteguna, 20:00etan.
Maria Pryren taldea Liga F-ko laugarren postuan dago 19 punturekin, sei garaipen, berdinketa bat eta bi porrotekin. Neskek Lezaman izango duten hurrengo aurkaria izango da datorren asteburuan: abenduaren 3an, larunbata, 16:00etan.
Bi taldeek Madrilgo lurraldean jokatutako aurrekari ofizial hurbilenak aurreko liga ireki zuen partidara garamatza. Iraia Iturregiren jokalariak 0 eta 2 gailendu ziren, Garazi eta Azkonaren golei esker. Garaipen hori errepikatu zuten elkar ikusi zuten azken aldian, 1-2ko emaitzarekin amaitu zen Alcorconen jokatutako denboraldiaurreko partidan.
