Athletic Club Manizales Peñaren inaugurazioa
Athletic Club Manizales Peñaren inaugurazioa
Ibaigane Jauregiak Kolonbiako peña ofizialaren inagurazioa agurtu du
Dena La Asuncion auzoko etxe batean egindako bilera batean hasi zen. 2019ko azaro australeko arratsalde bero batean, 30 zale zuri-gorri inguruk ongietorria egin zioten Manizalesen Athletic Clubeko peña berri bati. Kolonbiako Caldas departamenduko hiriburuan, San Mames zelaiaren erditik 8.000 kilometro baino gehiagora, bi hirien arteko anaitasuna irudikatzen zuten bufandak, banderak, pinak eta intsigniak jantzi zituzten.
Carlos Mario Rosero presidentea buru zutela, bere garaian Euskal Herrian finkatu edo igaro diren kolonbiarrak dira peñako kide izatera datozenak. Manizales bertakoa Sergio Antonio Duque da, euskaldun batekin, Cristina Ercorecarekin, ezkondua, Peña eramateaz arduratzen den beste pertsonetako bat. Lehen urte horretan, Koronabirusaren pandemiak ez zuen utzi denbora horretan ofizialtasunaren baldintzak betetzeko. Orain bai. Mahomaren eta mendiaren kontairaren antzera, Ibaigane Jauregian bertan bildu dira Clubak Peñaren inagurazio ofiziala gauzatzeko. Oihan Sancet, Unai Vencedor, Ainize Barea 'Peke' eta Eunate Arraiza izan dira Klubeko gizonezkoen eta emakumezkoen lehen taldeko ordezkariak, Gorka Cubes zuzendariarekin batera.
Manizalesekoa Athletic Clubeko hirugarren Peña da Hego Amerikan, Caracasekoarekin (Venezuela) eta Buenos Airesekoarekin (Argentina) batera.