"Gure zaleen aurrean partida on bat egiteko gogotsu daude"

Iraia Iturregi Athleticek bihar Lezaman Madril CFF taldea hartu baino 24 ordura komunikabideen aurrean agertu da. Norgehiagoka, Liga F-ko 11. jardunaldiari dagokiona (16:00etan), bi talde oso bertikal izango ditu aurrez aurre. Maria Pryren taldeak Ligako azken bi hitzorduetan galdu egin duen bitartean, lehoiek, San Mameseko porrota izan ezik, hiru garaipen jarraian lortu dituzte, guztiak etxetik kanpo. Hori dela eta, entrenatzaile zuri-gorria zain dago Athleticeko zaleei garaipen bat eskaini ahal izateko, ikasturte honetako lehen jardunalditik gertatu ez den zerbait: "Egia da etxean berriro irabazteko gogoa dugula. Lehen jardunaldian egin genuen, baina hurrengo lauetan ezin izan genuen egin, sailkapeneko lehen lau taldeen aurka jokatu baigenuen. Etxean partida on bat egiteko irrikaz gaude gure zaleen aurrean. Etxetik kanpo erregulartasun ona mantentzen ari gara. Lezaman gauza egiteko garaia da, erregularrak izan behar dugu 90 minutuetan".

Entrenatzaileak azpimarratu duenez, taldea porrot mingarriei buelta emateko gai izan da, San Mamesen Realaren aurka galdu ostean gertatu zen bezala. "Espero dut bihar taldeak partida oso bat egitea eta denboraldiko talde errebelazioa den horri irabazteko gai izatea". Alderdi positiboen atalean, Iraiak gazteen errendimenduarekin lortzen ari den "oreka" azpimarratu nahi izan du, Jone Amezagak eta Clara Pinedok Villarreal CF-ren aurka "beteranoen antzera" jokatu zuten partida.

Aurkariari dagokionez, Iturregik gogorarazi du duela bi aste arte Madril CFF bigarren sailkatua zela. "Liga hasiera ikusgarria egiten ari dira. Kontuan hartu beharreko raldea da. Aurrealde bortitza du: Zambiako bi internazionalak; Kundananji eta Grace; Gabi Nunes brasildar internazionala eta Lucía Pardo espainiar futbolaren harribitxietako bat". Gainera, "bi taldeen ezaugarriengatik partida entretenigarria eta joan-etorrikoa izango dela", iragarri du.

Honako hau da Iraia Iturregik biharko norgehiagokarako prestatu duen deialdia:

Quiñones, Amaia Peña, Naroa, Valdezate, Nekane, M. Unzue, Y. Corres, Monente, Oihane, Eunate, Pinedo, Azkona, Nerea Nevado, Itxaso, Mariana, Arana, Bibiane, Peke, Elexpuru, M. Zubieta eta Jone Amezaga.