Athletic, Gazte mailako Kopako final-laurdenetara

Athletic Clubeko Gazteak A taldeak mendean hartu du gaur Lezaman AD Alcorcon eta Kopako final-laurdenetarako txartela lortu du. Bittor Llopisek zuzentzen dituen jokalariak nagusi izan dira ur-zaparradaren azpian eta merezita lortu dute hurrengo kanporaketara igartozea. Alboniga-Menorrek sartu du partidako gol bakarra, bigarren zatia hasi eta berehala. 

Lehen minutuetan oso nagusi izan da Athletic eta bereak izan dira aukerarik onenak. Olabarrietak arriskua sortu du eskuinetik egindako erasoaldiekin eta Vizcayk sarearen albora errematatu du buruz korner baten ondoren. Baloi-jabetza eta jokoa zuri-gorria izan da erabat. Minutuek aurrera egin ahala, baina, Alcorconek hobera egin du. Hori bai, etxeko taldeak ez du estutasunik bizi zian lehen zatian. 

Bigarrena hasi eta berehala, lehen arrisku jokaldian, partidako gol bakarra sartu du Athleticek. Alboniga-Menorrek zutoin albora egindako jaurtiketa estu batekin aurreratu ditu zuri-gorriak, area inguruan izandako iskanbila aprobetxatuz. Hortik aurrera, gure harrobiko jokalariek kontrolpean izan dute neurketa, nahiz eta madrildarrek abagune argia izan duten partida berdintzeko. Alcorconen baloiak baina, langa jo du.

Zuri-gorriek ere aukerak izan dituzte gol gehiago sartzeko, baina markagailua ez da mugitu. Merezitako garaipena lortu dute gure gazteek eta orain Errege Kopako final-laurdenetako aurkariaren zain daude.