CA Osasuna, Erreginaren Kopako final-laurdenetako aurkaria
CA Osasuna, Erreginaren Kopako final-laurdenetako aurkaria
Iruñean erabakiko da Primera Federazioko talde nafarraren aurkako finalaurreko txartela
Athletic Clubek CA Osasunaren aurka jokatuko du Erreginaren Kopako final-laurdenetan. Txapelketa honetan inoiz jokatu ez den partida hau martxoaren 9an (18:30ean) izango da, oraindik zehazteke dagoen zelaian. Talde gorritxoa 1. RFEFko zazpigarrena da sailkapenean, eta bigarren talde zuri-gorria ere maila horretan dago.
Iraia Iturregiren taldea erronda honetara heldu da Madrid CFF taldeari final-zortzirenetan 0-1 irabazita, Fuenlabradan. Bere aldetik, Osasunak AEM, Juan Grande eta Huelvako Sporting gainditu zituen lehen hiru kanporaketetan. Kakun Mainzek zuzentzen duen taldeak final-laurdenetarako txartela lortu zuen FC Barcelona txapelketatik kanporatua izan ostean, euren arteko partidan okerreko jokalari batekin jokatzeagatik.
Hortaz, bi taldeen arteko derbian erabakiko da aurtengo Erreginaren Kopako txapelduna zehaztuko duen Lauko Finalerako txartela. Lauko Final hori maiatzaren 23tik 28ra jokatuko da.
Finalerdietara sartzeko gainerako kanporaketak honako hauek dira:
- Alhama-UDG Tenerife
- Granada CF-Atletico de Madrid
- Villarreal CF-Real Madrid