Erreginaren Kopako final-laurdenetarako balizko aurkariak

Erreginaren Kopako final-laurdenetarako balizko aurkariak

Lehoiek gaur, ostirala, eguerdiko 12:00etatik aurrera, hurrengo kanporaketarako aurkaria ezagutuko dute

Madrid CFF-ren aurka final-zortzirenetan garaipena lortu ondoren, Athletic Clubek gaur, eguerdiko 12:00etatik aurrera, bere hurrengo aurkaria ezagutuko du. Lehoiez gain, Real Madrid CF, Atletico de Madrid, UDG Tenerife, Villarreal CF, Alhama, CA Osasuna eta Granada CF zozketan sartuko dira.

Kanporaketa partida bakarrera izango da martxoaren 7an, 8an edo 9an, beheragoko mailakoa den taldearen zelaian. I. Federazioko bi talde daude (CA Osasuna eta Granada CF), eta etxean jokatuko dute Liga F-ko arerio baten aurka. Gainera, Alhamak, nahiz eta gaur egun maila gorenean lehiatzen duen, etxean jardungo du, oraindik igoera lortuta ez zuenean txapelketa horretarako sailkatu baitzen.