"Abiapuntu ona da"

"Abiapuntu ona da"

Ernesto Valverdek bigarren itzulia ondo hasi izana ospatu du, Cadizen aurka lortutako garaipenaren ostean

"Berebiziko neurketa zen. Hiru puntu garrantzitsu dira bigarren itzulia hasteko. Kopan irabazi genuen eta Ligan ere. Orain jarraitu egin behar da". Ernesto Valverde pozik agertu da bere taldeak Cadizen aurka lortutako garaipenagatik eta aurrealdean erakutsitako goi-gaitasunagatik: "Cadizek ondo hasi du partida, nahiz eta guk lehenengo gola sartu. Hala ere, nahiko aukera argiekin iritsi gara. Gaur bai, lortu dugu gure nagusitasuna gauzatzea. Abiapuntu handia da".

Bigarren itzulia ondo hasi da Athleticentzat: "Oso pozik gaude dinamika txarra lehenbailehen apurtzea interesatzen zitzaigulako. Puntuak gaur batzea asko esan nahi zuen. Berriro ekin diogu helburuari eta horrela egitea garrantzitsua da".