Raúl García: “Indartsu sentitzen naiz maila gorenean jarraitzeko”

Raúl García: “Indartsu sentitzen naiz maila gorenean jarraitzeko”

Aurrelari zuri-gorria pozik dago Athleticen , "entrenatzailea konbentzitu eta ahal dudan guztia jokatzeko lanean"

Raul Garcia komunikabideen aurrean agertu da gaur goizeko entrenamenduan parte hartu aurretik. Athleticen zoriontsu dela adierazi du aurrelari zuri-gorriak: "Indartsu eta eroso nago, oso pozik inguruan dudan guztiarekin. Maila gorenean lehiatzen jarrai dezakedala uste dut, eta horretarako entrenatzen dut egunero. Orain aulkitik ekarpen handiagoa egitea dagokit, baina nire helburua ahalik eta maila handiena lortzea da, entrenatzailea konbentzitzeko eta gehiago jokatzeko".

Geldialdiaren ostean LaLigan lortutako emaitzei buruz galdetuta, Raulek adierazi du zalantzak kanpotik datozela barrutik baino gehiago: "Puntuak iristen ez direnean, arrazoiak identifikatzeko eta egoera iraultzeko lan egiten dugu. Egiten duenaz fidatzen den taldea gara, eta beti ahalik eta etekin handiena ematen saiatzen gara, nahiz eta batzuetan ez den ateratzen. Ezarritako helburuak lortzeko urrats sendoak eman ahal dituen taldea garela uste dut ".

Datorren larunbatean Mestallara egingo duten bisitaren inguruan, nafarrak Kopako final-laurdenetan bizitako sentsazio onei heldu die: "Etxetik kanpo ere indartsuak garela erakutsi genuen eta partida handiak itxi ditzakegula. Valentzia egoera zailean dago eta dena emango dute emaitzen bolada txarrari buelta emateko. Guk ere geurea daukagu, eta garaipena behar dugu bai ala bai".