Gazte Mailako Kopako finalerdia, Youtube Athleticen
Gazte Mailako Kopako finalerdia, Youtube Athleticen
Talde zuri-gorriaren kanal digitalak Athletic Club eta Real Madrid CF taldeen arteko norgehiagoka eskainiko du zuzenean asteazken honetan, 16:30etik aurrera
Athletic Clubeko Youtube kanalak zuzenean eskainiko du asteazken honetan, martxoak 8, 16:30ean, Athletic Club eta Real Madrid CF taldeek Reino de Leon zelaian jokatuko duten Gazteen Kopako finalerdia.
Bittor Llopisek aulkitik zuzendutako jokalariak, Ohorezko Mailako Gazteen Ligako II. multzoko liderrak, SD Eibar, AD Alcorcon eta Sporting de Gijon gainditu ondoren heldu dira kanporaketa honetara.
Bestalde, madrildarrek Rayo Vallecano, Valencia CF eta Malaga CF-ren kontra lortu dute garaipena txapelketa honetan. Alvaro Arbeloak entrenatzaile duen taldea V. multzoko lehen postuan dago eta UEFA Youth Leagueko final-laurdenetarako sailkatuta da.
Irabazleak datorren larunbatean, martxoak 11, toki eta ordu berean, Deportivo de La Coruña eta UD Almeriaren arteko beste finalerdia irabazten duenaren aurka jokatuko du.