Athletic Club & More than Football 2023

Athletic Clubek eta Fundazioak bat egin dute aurten ere #Morethanfootball kanpainarekin. Kanpaina horren helburua da futbolaren munduko klubek eta erakundeek beren komunitatearen alde egiten duten lan soziala ikusaraztea. Kanpaina EFDNk (European Football for Development Network) sustatu du; elkarte horrek Europa osoko futbol-klubak, ligak eta federazioak batzen ditu, futbolaren bidez gizartea hobetzearen alde lan egiten dutenak.

Hain zuzen ere, Athletic Cluben kultur proiektua txapeldunorde geratu zen More Than Football Award sarien azken edizioan, non EFDNk futbolarekin zerikusia duten gizarte ekimenak bereizten eta aitortzen dituen. Aurreko edizio batean, 2021ekoan, Athletic Clubek eta Osakidetzak elkarlanean garatzen duten eta buru-nahasmenak dituzten pertsonei zuzentzen den lankidetza-proiektua ere finalista izan zen sari ospetsu honetan.

#Morethanfootball Ekintza Asteak mundu mailako kanpaina baten parte dira, Europako futbol-komunitateak bere jardueren bitartez gizarte hobe baten alde duen inpaktua erakuts dezan. Europako kluben futbolak pertsonen bizitza hobetzeko izan dezakeen eginkizun eraldatzaileaz sentsibilizatzea da helburua.

Nico Williams eta Bibiane Schulze izan dira aurtengo kanpainan parte hartu duten Athleticen futbolariak.