Iñigo Martinez eta Nico Williams, Espainiako selekzioaren zerrendan

Iñigo Martinez eta Nico Williams, Espainiako selekzioaren zerrendan

Athletic Clubeko atzelaria eta aurrelaria deitu ditu Luis de la Fuentek 2024ko Eurokoparako sailkapen faseko bi partida jokatzeko

Iñigo Martinez eta Nico Williams Luis de la Fuenteren deialdian sartu dira 2024ko Eurokoparako sailkapen faseko bi partida jokatzeko.

Bi jokalariak martxoaren 20tik aurrera kontzentratuta egongo dira Las Rozasen. Lehenengo neurketa hilaren 25ean, larunbata, izango da La Rosaledan, Norvegiaren aurka, eta bigarrena hilaren 28an, asteartea, Glasgowen, Eskoziaren aurka. Bi norgehiagokak 20:45ean hasiko dira.

Agirrezabala, Paredes eta Sancet, 21 urtez azpiko taldearekin

Bestalde, Julen Agirrezabala, Aitor Paredes, estreinekoz, eta Oihan Sancet deitu ditu Espainiako 21 urtez azpiko selekzioak bi lagunarteko jokatzeko. Santi Deniaren taldeak martxoaren 24an Suitza hartuko du Almerian eta 28an Frantziari egingo dio bisita. Hiru lehoiak martxoaren 20etik aurrera kontzentrauta egongo dira ere Las Rozasen.