San Mames BAT sarrerak salgai denboraldia bukatu arte

Athletic Clubek salgai jarri ditu denboraldi amaierara arteko San Mames BATeko sarrerak, Katedralean jokatuko diren 2022/23 ligako edozein partidatarako, oraindik data konfirmatu gabekoentzat ere.

San Mames BAT sarrerak San Mameseko Eraztun Nagusian dauden eserlekuei dagozkie, zerbitzu esklusiboekin.

San Mames BAT sarrerak online erosi

GOZATU MATCHDAY EXPERIENCE-A SAN MAMES BAT-EN
Zer hartzen du barne?

• Zelai barruan eserleku pribilegiatua. Aukeratu zure eserlekua zelaiaren erdiko eraztuneko ipar, ekialde edota harmaila nagusian. 
• Zerbitzu gastronomiko esklusiboa, 11 Michelin izar dituzten gure chef bizkaitarrekin. Andra Mari, Azurmendi, Eneko, Boroa, Etxanobe, Garena, Nerua Guggenheim Bilbao, Zarate eta Zortziko jatetxeak dira neurketa bakoitzean janaria prestatzeaz arduratzen diren jatetxeak.
• Partida hasi baino ordu eta erdi lehenagotik sartu eta ordubete geroagora arte atera ahalko zara. Gozatu partida modu ezberdin eta zoragarrian.
• Palkoko kideek, San Mames BAT abonatuek eta Matchday Experience-rko erabiltzaileek partekatzen duten erdiko eraztun osorako sarbidea. Esperientzia aparta izateko topagunea sortu dugu. Arreta pertsonalizatua eta erosotasun guztiak izango dituzu.
• Partida zuzenean ikusteko pantailak, errepikapen eta xehetasun guztiak. Ez galdu neurketako ezer.

SARRERAK 60 €-TAN BAZKIDEENTZAT SAN MAMES BAT-EN

Bazkideek sarrerak eros ditzakete San Mames BAT-en, partida solteetan, 60 €-ko prezio berezian. Erosketa egitean, bazkideak bere ohiko eserlekua lagatzea onartzen du trukean. Bazkide bakoitzak eserleku bakarra erosi ahal izango du 2022/23 denboraldiko bi partidatarako.

Sarrerak Athletic Cluben webgune ofizialean bakarrik erosi ahal izango dira, Sarrerak atalean, SM BAT EXPERIENCE botoian klik eginez. Promozio hau etxean jokatutako azken partidaren ondoren egongo da eskuragarri. Sarrera (besterenezina) San Mames BAT-era sartzeko aurkeztu beharko da, NANarekin eta bazkide txartelarekin batera.