Quicalaren Ramadana

Quicala Bari, pasa den neguan Portugalete CF taldetik heldu zen Bilbao Athleticeko futbolaria, pozik dago Lezaman, amets bat betez. Ginea Bissaukoa da eta duela sei urte Bilbora etorri zen, bere giza heziketan aurrerapauso bat emateko, futbola pizgarri gisa hartuta. Bere etxean bezala sentitzen da, erabat integratuta.

Lehoikumea Catalina Carabias Athletic Clubeko dietistarekin jarri zen harremanetan, Bilbao Athleticeko futbolariaren errendimendua hilabete honetan ez jaisteko nutrizio-aholku batzuk jasotzeko.

 

"Puntu kritikoetako bat hidratazioa da, deshidratazioak kalte egin diezaioke kirol-errendimenduari eta lesioak izateko arriskua areagotu dezake. Ur, fruta eta barazki gehiago duten elikagaiak aukeratu behar dira eta barazki eta zopa krema sartu dietan. Funtsezkoa da lotara eta egunsentira joan aurretik likidoa irenstea, hidratazioa mantentzen saiatzeko", dio Klubeko dietistak.

Dena oso ondo egon behar da planifikatuta: "Nutrizio mailan, futbol jokalari batek bi unetan kontsumitu behar dituen mantenugai guztiak banatu behar dira, lehena afaria. Erritual normal bat mantenduko dugu taldekideekin afarietan, eta barazki-krema bat gehituko diogu proteinekin. Gainera, alternatiba likidoak bilatu behar dira, irabiakiekin, oloarekin eta esnearekin".