“San Mameseko partida hau Ligako tituluena bezain garrantzitsua da”

Iraia Iturregi eta Ane Azkona izan dira San Mameseko protagonistak Sevilla FCren aurkako partidaren atarian. Neurketa honetan, hiru puntu daude jokoan sailkapeneko gune arriskutsutik ihes egiteko.

Teknikari zuri-gorriak oso ondo daki San Mameseko hitzordu garrantzitsue inguruan; batez ere, futbolari gisa garaikurrak lortzeko unean. Orain, beste helburu garrantzitsu bat dago. "San Mamesen neurketa asko bizi izan ditut jokalari bezala eta orain entrenatzaile gisa. San Mameseko partida hau Ligako tituluengatik borrokatu nuena bezain garrantzitsua da. Garaikurrengatik denboraldiaren amaieran jokatuko dugu, Kopako Lauko Finalean. Erosoa ez den egoera batekin bizitzea dagokigu, hiru puntuak ezinbestekoak dira. Athleticzale guztiei laguntza eskatzen diegu", argudiatu du prestatzaileak.

"Ziur epe laburrera edo ertainera begira, taldea sailkapenaren gune nagusian kokatuko dela eta jokalari gazte batzuek aurrera urratsa egingo dutela; izan ere, Kluba lan handia eta ona egiten ari da kontratu berritzeekin. Irabazi egin behar da Ligan lasaitasun gehiago izateko", gaineratu du Iraiak.

Ostiral honetan garaitzea jauzi bat litzateke. "Edozein jokalarirentzat, egi bihurtutako ametsa da San Mamesen jokatzea. San Mamesen talde indartsu bati irabazteko gai bagina, ziur motibazio kolpe bat izango dela eta horrek eragina izango duela. Jendeari itzuli behar zaio ematen diguna, Lezaman oso giro ona dago. Maitasuna eta ematen digutena itzuli nahi diegu".

Iraiak badu harmailaren babesa batzeko bilatzeko formula: "Jendea lotu behar dugu, erraza da laguntza eskatzea. Lehen minututik, baloi bakoitzean, ikusleak gure jokoari lotu behar ditugu, solidarioak izan behar gara. Ausartak eta bertikalak ere, jende askorekin iritsi behar gara aurkariaren areara. Asko sortu beharko da, eta defentsa-mailan oso serio, solidario eta bizi egon".

Bestalde, duela gutxi kontratua berritu berri duen Ane Azkonak jokalariak honako hau azaldu du: "Oso pozik nago kontratu berriarekin. Garrantzitsuena Klubak izan duen apustua da. Aurten kontratu berritzeak asko ari dira egiten, harrobiko jokalari gazteen ontzira dudarik gabe igo naiz".

"Partida hau oso garrantzitsua da, hiru puntu irabazi behar dira lasaiago egoteko. Ez zaigu gustatzen sailkapeneko posizio horietan ikustea. Biharkoa inflexio puntu bat izatea espero dut. San Mamesen jokatu ahal den guztietan bertan jokatu behar da, lehen aldietan urduritasun hori izaten duzu, baina berotzera irteten zarenean ahaztu egiten duzu gainontzekoa. Presio positiboa da, ilusio handia egiten digu", esan du aurrelariak.