Partida aurrekoa: RCD Espanyol - Athletic Club (LaLiga 28. J)

Bueltan da LaLiga Athleticentzat. Kopako finalerdietan CA Osasunaren aurka sufritutako jipoiaren ondoren, Ernesto Valverderen taldeak arreta guztia txapelketa erregularrean jarriko du datorren denboraldian Europan lehiatzeko plaza bat lortzeko. Helburua betetzeko 11 partida geratzen dira eta dena gaurtik hasiko da, zuri-gorriek RCD Espanyolen aurka jokatuko duten neurketatik.

Kateatutako emaitza txarren ostean, Diego Martinez entrenatzailea kargutik kendu dute eta Ernesto Valverderen zein talde kataluniarraren jokalari ohia izan zen, Luis Garcia, izango da aulkian estreinatuko dena.

Deialdia

Ernesto Valverdek 23 jokalariz osatutako zerrenda osatu du talde katalanaren aurka jokatzeko. Morcillok eta Lekuek, biak min hartuta, ezin izango dute neurketan parte hartu. Ander Herrera eta Adu Ares berriz ere zerrendan sartu dira. 

Valverde 

28. jardunaldiko atarikoan tekniari zuri-gorriak egindako adierazpenak, hemen. 

Aurkaria

1909ko otsailaren 28an sortu zen ofizialki Bartzelonan, Club Deportivo Español izenarekin hainbat kirol-klub berregituratu ondoren. Duela gutxi Bigarren Mailatik igo den arren, mendeurreneko klub hau Lehen Mailako klasiko bat da. Denboraldi honekin, RCD Espanyolek 87 denboraldi egin ditu futboleko maila gorenean. Bost aldiz bakarrik galdu du maila: 1962/63, 1969/70, 1989/90, 1993/94 eta 2019/20 denboraldietan. Gainera, talde txuri-urdineko palmaresak Errege Kopako lau garaikur ditu bere baitan. 

Mailari eusteko borrokan murgilduta, kataluniarrek entrenatzailez aldatu berri dute eta Luis Garcia futbolari ohia aulkian estreinatuko da Diego Martinezen ordez. Talde perikoaren dinamika ez da ona, azken bost partidetatik behin bakarrik lortu baitu garaipena eta lau porrot jarraian erdietsi ditu.

Estatistikak

1928/29 denboraldian LaLigan lehen aldiz elkarren aurka jokatu zuten; hain zuzen ere, neurketa hura txapelketa horretako lehen partida ofiziala izan zen eta San Mamesen jokatu zen. Ordutik aurrera, Athletic Clubek eta RCD Espanyolek guztira 173 partida jokatu dituzte maila gorenean, eta talde zuri-gorriak emaitza positiboak lortu ditu: 72 garaipen, 35 berdinketa eta 66 porrot.

86 partida jokatu ditu Athleticek RCD Espanyolen aurka, eta horietatik 17 aldiz atera da garaile, 21 saiakeratan berdindu egin du eta 48tan galdu. Are gehiago, talde bilbotarrak 25 urte daramatza talde perikoari egindako bisitan irabazi gabe. Athleticek ez du oraindik LaLigan RCD Stadiumen garaipena eskuratu; izan ere, 1997/98 denboraldian irabazi zuen azkenekoz, eta Kataluniako taldeak oraindik Montjuicen jokatzen zituen bere partidak.

RCDE Stadiumean, zenbakiak ez dira onak Athleticentzat. Azken bost partidetatik, lauk berdinketan bukatu dute eta batean RCD Espanyolek irabazi zuen.

Kontsultatu RCD Espanyolen aurkako estatistika guztiak.

Athleticzaleak munduan barrena

Zauden lekuan zaudela, ziurtatu zaitez gure Athleticen neurketa ez galtzeaz.