Denboraldi honetako Lezamako azken neurketa

Lehoiek Liga F denboraldiko azken partida jokatuko dute asteburu honetan Lezaman. Iraia Iturregiren neskek larunbatean (12:00etan) Vilarreal CF taldea jasoko dute, txapelketa erregularreko azken konpromisoa, datorren asteko Kopako 'Lauko Finala'-ren aurretik.

Joan den astean FC Barcelonaren aurka porrota jaso bazuen ere, lehoiek maila ona erakutsi dute denboraldiaren azken txanpan; izan ere, Madrid CFF taldearen etxean galdu zutenetik, martxoaren 18tiik, ez zuten porrotaren zapora ezagutzen.

Aurkaria, Sara Monfortek zuzentzen duen taldea, jaitsieratik bi puntura eta maila mantentzeko puntuen beharrean dago. Bestalde, zuri-gorriek garaipena bilatuko dute Kopako Real Madrilen aurkako finalerdiari egoera onenean aurre egiteko (maiatzak 24, asteazkena, 21:00etan).

Castelloko taldearen aurkako norgehiagokak datorren ikasturtera arte taldea agurtzeko balioko du, eta, gainera, Nekane Diez eta Leyre Monenteren agurrak izango ditu hizpide. Nekanek futbola utziko du Lezaman 16 denboraldi eman ostean, Monentek, berriz, talde zuri-gorria utziko du denboraldia amaitzen denean.