Alex Pallaresek ez du Athletic Cluben jarraituko

Alex Pallares entrenatzailearen kontratua ez berritzea erabaki du Athletic Clubek. Horrenbestez, bere azken partida zuzenduko du larunbat honetan Lezaman, SD Amorebietaren aurka. Datorren maiatzaren 30ean, Mikel Gonzalez futbol zuzendariak eta Sergio Navarro Lezamako zuzendariak harrobiko denboraldiaren balantzea egingo dute agerraldi publiko batean, Bilbao Athleticekin zerikusia duen guztia barne.

Pallaresek duela aste batzuk bazekiela Klubaren erabakia, eta joan den larunbatean CD Eldenseren aurkako partidaren ostean egindako adierazpenak argitzea eskatu du.

"Joan den larunbatean CD Eldenseren aurka jokatutako partidaren ostean egindako adierazpenei buruzko azalpen bat eman nahi nuke; izan ere, zenbait hedabidek Klubari egindako kritika gisa interpretatu dute, eta hori ez zen nire asmoa. Transmititzen saiatu nintzena zera da, filial batean hain plantila gaztea duzunean, kategoriak gainditzen zaituenean eta hor, jakina, nire erantzukizuna hartzen dudanean, bi bide posible dituzula. Bata, taldeari eusten dioten baina bilakaera-proiekziorik ez duten profil beteranoagoak fitxatzea da. Hau da, salbazioa lehenetsi eta emaitzetan zentratu eta, nahiz eta mutilen garapen indibidualaren aurka joan, taldeari eusten dioten profil beteranoagoak fitxatzea. Edo, beste alde batetik, talde horrekin lanean jarraitzeko aukera, balizko jaitsieraren ondorioa gure gain hartuz. Azaldu nahi izan nuen erabaki hori hartzea ez zegokidala niri, Klubaren erabakia dela. Kirol zuzendaritzak eta Lezamako zuzendaritzak bigarren aukera hautatu zuten, denboraldi hasierako eredua mantentzea eta horrek jaitsiera ekar zezakeen ondorioa gain hartzea. Jakina, nik oso ondo ezagutzen nuen erabaki hori, eta erabat onartu nuen lan hori, eta uste dut ahalik eta gehien eman dudala horretan".

"Hala eta guztiz ere, horrek guztiak ez du esan nahi, logikoki, guztiok nahi genituen emaitzak lortu ez izanaren erantzukizuna neure gain hartzen ez dudanik".

Athletic Clubek eskerrak eman nahi dizkio Alex Pallaresi gure Klubean egindako ahalegin eta dedikazio guztiagatik, eta onena opa dio bere etorkizun pertsonal eta profesionalean.