Bilbao Athletic – SD Amorebieta neurketa ikusteko bazkideen izen-ematea

Jasotako eskaera nabarmenaren aurrean, Athletic Clubek epea ireki du datorren larunbatean, maiatzak 27, Lezaman jokatuko den Bilbao Athletic eta SD Amorebietaren arteko partidara (19:30ean) joan nahi duten bazkideek Bazkide Txokoan izena eman ahal izan dezaten (Bazkideentzako Zerbitzuak / Bilbao Athletic Sarreren Zozketa atala) datorren maiatzaren 24an, asteazkena, 18:00ak arte. Lehen taldetik kanpoko partidetarako izena ematen den modu berean emango da izena, banaka edo taldeka (talde bakoitzeko lau bazkide gehienez).

Bazkideen eskaria eskuragarri dauden eserlekuen kopurua (1.867) baino handiagoa bada, sartzeko eskubidea zozketa baten bidez ezarriko da, asteazkenean, maiatzaren 24an, eta egun horretan bertan argitaratuko da emaitza, Klubaren bitarteko ofizialen bidez.

Lezaman sartzeko aukera duten gainerako taldeentzat (Gazte Abonoa Bikain eta Club Athletic), ostegunetik aurrera eman ahal izango dute izena, 10:00etatik aurrera, Klubak talde hauei helaraziko dien mzu elektroniko baten bidez. Sarreren sorta hori 150ekoa izango da gutxienez, eta kopuru hori handitu egingo da izena eman duten bazkideen kopuruak ez badu agortzen eurentzat gordetako sarreren koporua. Gazte Bikain eta Club Athleticen izen-emateak libre dauden eserlekuen kopurua gainditzen badu, zozketa bat egingo da maiatzaren 27an, ostirala.

Adierazitako epeetan izena eman duten bazkideek, Gazte Bikain-ek edo Club Athleticeko kideek (eta beharrezkoa balitz, zozketan saritutakoek) bakarrik izango dute partidara sartzeko aukera.