Balenziagaren agurra San Mamesen

321 partida eta 12 denboraldiren ostean, datorren ekainaren 30ean, Mikel Balenziaga Athletic Club utziko du. Horiek horrela, Elche CF taldearen aurka jokatutako norgehiagokaren ostean, Klubak beren-beregi prestatutako elastikoa emateaz gain, taldekideek eta lantalde teknikoko kideek ohorezko harrera eskaini zioten.

Euren txalo artean, zumartarra hunkituta azaldu zen semea besoetan zuela. Ondoren, Herri Harmailako kideen oroigarria jasotzearekin, Athleticen osatutako ibilbidea eskertzeko pankarta erraldoia azaldu aurretik, Mikel Laboaren “Txoria txori” elkarrekin abestu zuten jokalari zein zaletuek.