Cenicero City peñaren inaugurazio ofiziala

2012ko abuztua beroa izan zen eta Errioxako Athleticen beste peña batekin batera, Cervera del Río Alhamarekin, Ceniceroko peñak bere ibilbidea hasi zuenean. Cenicero City, zehatzago esateko. Bere bazkideek aukeratu zuten izen berezia, Far Westeko filma gisa. Ardandegi-hiria Ebro ibai handientsuaren eskuineko ertzean zeozergatik baitago. 

Bere garaian Peña pandemiaren aurretik inauguratzea aurreikusita zegoen, 2020rako, baina hortik aurrera data atzeratzen joan da ekaineko lehen asteburu honetara arte. Jaieguna goizeko 10:00etan hasi da, gonbidatuei eta Cenicerora egun berezi honetan bertaratutako gainerako peñei harrera eginez. Eguerditik Errioxako dantza tradizionala eta bermut ordua girotu duen txaranga bat izan dira herriko frontoian egin den bazkariaren aurretik. Postreen ondoren danborrada bat egin da eta eguna ixteko su-zezena izan da txikienentzat.

120 peñakide inguru bildu dira Ceniceron, egun zuri-gorri biribil batez gozatzeko. Goizalde Santamarina izan da ekitaldietan egon den Zuzendaritza Batzordeko ordezkaria.