Partida aurrekoa: Real Madrid – Athletic Club (LaLiga 38. J)

Gaur arratsaldean, 18:30etik aurrera, Athletic Clubek LaLigako azken norgehiahgoka Santiago Bernabeun jokatuko du, hurrengo sasoian Europan barrena lehiatzeko helburua lortzeko azken aukera izango dena. Lehoiek hiru puntuak lortu behar dituzte eta hurrengo aurkarien emaitzen zain egon, ez baitago euren esku Conference Leagueko zazpigarren postua erdiestea.

Deialdia

Teknikari zuri-gorriak 23 jokalari deitu ditu Real Madriden aurka aritzeko. Yerayk, Iñigo Martinezek, Dani Garciak eta Morcillok arazo fisikoengatik ezin izango dute denboraldi honetako azken neurketan parte hartu. Ander Herrerak asteazkenean osatu zuen lehen aldiz lan saioa taldearekin eta ligako azken partidarako prest izango da. Nico Williams ere, Elche CF-ren aurka azken orduko baja izan zena, Valverderen zerrendan sartu da. Bestalde, Adu Ares, Unai Gomez eta Junior Bita harrobiko jokalariek ere lehen taldearekin bidaituko dute.

Valverde

Errepasatu hemen madrildarren eta bilbotarren arteko norgehiagokaren aurretik teknikari zuri-gorriak egindako adierazpenak.

Aurkaria

Gaur txapelketako klasiko baten aurka jokatuko dugu. FC Barcelona eta Athletic Clubekin batera, inoiz mailaz jaitsi ez den bakarra. 1902an sortua, oso palmares zabala du. 35 liga, 20 kopa, 11 superkopa eta Europako 14 kopa, besteak beste. LaLiga Santanderreko lau klub profesional bakarretako bat da, FC Barcelonarekin, CA Osasunarekin eta Athletic Clubekin batera, Kirol Sozietate Anonimoa ez dena, eta, beraz, klubaren jabetza bazkideek dute. Gaur egun, lehiaketa erregularreko bigarren sailkatua da, eta denboraldi honetan Kopako titulua irabazteko eta Txapeldunen Ligako finalerdietara iristeko gai izan da.

Real Madridek sailkapenean 77 puntu dituelarik eta txapeldunordearen postua eskuratzeko gogoekin ekin nahiko dio gaurko demari. Hala ere, egoera gorabeheratsuan iritsiko da, jokatutako azken bost partidetatik hirutan hiru puntuak eskuratu eta bitan porrota jaso baitu.

Estatistikak

1928/29 denboraldian LaLigan lehen aldiz elkarren aurka jokatu zutenetik, Athletic Clubek eta Real Madridek guztira 183 partida jokatu dituzte maila gorenean eta zuri-gorriek 51 partida irabazi, 36 berdindu eta 96 galdu dituzte.

Santiago Bernabeun jokatutako 91 liga norgehiagokei dagokienez, Athletic Clubek 13 partida irabazi, 17 berdindu eta 61 galdu ditu orain arte.

Bi taldeek Madrilen jokatutako azken bost neurketei dagokienez, lehoiek ez dute garaipenik lortu azken bost bisitetan, baina birritan Madrildik puntu bat eskuratzeko gai izan dira. Zuri-gorriek Santiago Bernabeun lortutako azken garaipena 2004/05 denboraldian izan zen, Del Hornok eta Iraolak golak egin zituztenean zuri-gorriek 0-2 irabaz zezaten. Ordutik, Athletic Clubek puntu bakarra lortu ahal izan du, 2017/18 eta 2019/20 ikasturteetan hain zuzen ere.

Kontsultatu Real Madriden aurkako estatistika guztiak

Athleticzaleak munduan barrena

Zauden lekuan zaudela, ziurtatu zaitez gure Athleticen partida ez galtzeaz.