Valverde: “Amaierara arte saiatu gara”
Valverde: “Amaierara arte saiatu gara”
Bernabeun bana berdindu ondoren, Valverdek onartu du taldea frustratuta sentitzen dela: "Alde izan dugu Europako sailkapena, baina guk geuk egindako akats handiek asko zigortu gaituzte"
Ernesto Valverde hedabideen aurrean agertu da Athleticek Bernabeun Real Madrilen aurka bana berdindu ostean. Teknikariak frustrazioaz hitz egin du aldagelako sentsazioak transmititzeko: "Uste dut erregularrak izan garela jokoari dagokionez denboraldi osoan, ondo aritu gara, baina akats handiak ere egin ditugu, eta horrek asko zigortu gaitu. Azkenean, LaLiga oso luzea da eta merezi duzun tokian bukatzen duzu. Gure kasuan, amaierara arte saiatu gara, eta zortzigarrenak izan gara".
Partidari dagokionez, Valverdek onartu du erritmo falta izan zaiola: "Kostata iritsi gara bi ateetara, baina gero bigarren zatian gehiago irekitzeko gai izan gara, gola sartu dugu eta aukerak izan ditugu gehiago sartzeko". Ez da horrela izan, eta epaileak Yuriren defentsa ekintza batean Real Madrilen aldeko penaltia adierazi du, entrenatzailearentzat gutxienez VAR-aren berrikuspena mereziko zukeena. Partida berdinketarekin amaitu da.
Txingurrik datorren denboraldiari aurre egiteko "indar askorekin" dagoela adierazi du.