Ander Iruk ez du Athletic Cluben jarraituko
Ander Iruk ez du Athletic Cluben jarraituko
Hirugarren atezainak Kluba utziko du maila guztietan aritu ondoren, kimuetatik lehen taldera
Ander Iruarrizagak ez du Athletic Cluben jarraituko, ekainaren 30ean kontratua amaitu eta gero. Igorrekoa, kimu adinetik Lezaman egonda, lehen taldeko hirugarren atezaina izan da Ernesto Valverderen aginduetara eta bost lagunarteko jokatu ditu, St James Parken Newcastleren aurkakoa eta Euskal Herria Txapelaren finala Realaren aurkakoa nabarmenduz.
Iruk, 24 urterekin, bigarren taldeko fitxa zuen. Bigarren taldean 28 partida jokatu zituen. Lehen taldearekin deialdi batean estreinatu zen Las Llanasen, Sestao Riverren aurkako Kopako partidan, Gaizka Garitanoren aginduetara.
Athletic Clubek zorte onena opa dio Ander Iruri bere etorkizuneko ibilbide profesionalean, eta, aldi berean, biziki eskertzen du urte hauetan guztietan Klubaren interesen defentsan erakutsitako dedikazioa.