Galarreta Athletic Clubera itzuli da

Iñigo Ruiz de Galarreta Athleticera itzuliko da, kimu mailatik hezi zuen klubera. Erdilariak bi denboraldirako konratua sinatu du, libre, 2025eko ekainaren 30era arte, helburuen araberako aldagaiak jasotzen dituen akordioarekin. Eibarko erdilariak 30 liga partida jokatu ditu denboraldi honetan RCD Mallorcarekin, horietako 28 hasierako hamaikakoan, eta beste bi Kopan.

Kimu mailatik Athletic Cluben hezia, Galarretak Marcelo Bielsarekin debutatu zuen 2011n, Europa Leagueko partida batean, Paris St Germainen aurka Parisen. Belauneko lotailu gurutzatuko lesio batek jota, erdilari trebeak bederatzi partida besterik ezin izan zituen jokatu lehen taldean. Lezaman eman zuen lehen aroan, utzita jokatu zuen bigarren mailako CD Mirandesen, Real Zaragozaren eta CD Leganesen, CD Numantziarekin kontratua sinatu aurretik.

Ondoren, Galarretak FC Bartzelonaren bigarren taldean jokatu zuen eta Ernesto Valverderen aginduetara izan zen han lan saioetan eta lagunartekoetan. Hortik, bere hazkunde lerroan, futbolari garrantzitsua bihurtu zen UD Las Palmasen, RCD Mallorcak fitxatu eta beste urte bete egin zuen Kanariar Uharteetan utzita. Mallorcan eman ditu azken urtean eta oso ibilbide emankorra izan du taldean: lehen denboraldian maila gorenera igo zen, eta hurrengo bietan funtsezko jokalaria izango da hamaikakoetan.