Raul Garciak urte batez berritu du Athletic Clubekin
Raul Garciak urte batez berritu du Athletic Clubekin
Nafarrak bederatzigarren denboraldia beteko du lehoi gisa, eta historian LaLigan partida gehien jokatu dituen jokalaria bihur daiteke
Athletic Clubek eta Raul Garciak akordioa lortu dute ekainaren 30ean amaitzen zen kontratua denboraldi batez luzatzeko. Nafarrak bederatzigarren denboraldia jokatuko du lehoi bezala eta bere erregistro bikainak hobetu ahal izango ditu: 338 partida eta 83 gol, momentuz. Azken zifra horrek zuri-gorrien historiako 25 goleatzaile nagusien artean kokatzen du.
Raul Garcia klasiko bat da LaLigan. Izan ere, partida gehien jokatu dituen hirugarren futbolaria da egun, 589 neurketekin. Denboraldi honetan, Andoni Zubizarretak eta Joaquin Sanchezek (622) osatutako bikotea gainditu ahal izango du. Athleticen jokatu ditu maila bere ibilbideko partida gehienak.
😍 Kamiseta berria heldu zaigu...#AthleticClub 🦁 pic.twitter.com/rbRHvcjPLi
— Athletic Club (@athletic_eus) June 30, 2023
Zuzendaritza Batzordeak kontratu berrietarako ezarritako ildoari jarraiki, Raul Garciaren lotura helburuen araberako osagai aldakorra duen soldata-egitura du.