Athletic Irakurketa Kluba "Togo" liburuari buruz Mexikon
Athletic Irakurketa Kluba "Togo" liburuari buruz Mexikon
Antonio Briseño, Chivas klubeko jokalaria, bigarren taldeetako hamabost jokalari eta Guadalajarako hamabost zale Vivianekin solasean arituko dira Oscar de Marcosen liburuaz
Jorge Vergara Fundazioak, Athleticekin elkarlanean, irakurketa klub berezi bat antolatu du larunbaterako, Mexikoko Chivas eta "Made in Euskal Herria" lehoien arteko Gernikako Arbola Txapelketako itzulerako partidaren atarian. Antonio Briseño, Chivas taldeko jokalaria, bigarren taldeetako hamabost jokalari (gizonak eta emakumeak) eta Club Deportivo Guadalajarako hamabost zalek Dani Vivianekin Oscar de Marcos taldikedeak idatzitako "Togo" liburuaz hitz egin ahal izango dute. Guztiek irakurri dute Athletic Club Fundazioak argitaratutako eleberria eta hainbat galdera prestatu dizkiote Gasteizko jokolariari egiteko.
Togo liburuan De Marcosen bizitzaren pasarteak kontatzen dira, kadete mailan hasi zenetik zuri-gorri gisa egindako lehen denboraldietara arte. Horrekin tartekatuz, 2010eko udan egindako bidaia berezi baten inguruko xehetasunak kontatzen ditu. Togora joan zen bidaia hartan, Afrikara.
Literatur solasaldia hilaren 15ean izango da, larunbata, eguerdiko ordu batean, Akron estadioan bertan, eta hurrengo egunean Chivas eta Athleticen arteko partida jokatuko da bertan.
Gogora dezagun "Togo" doan deskarga daitekeela "Letrak eta Futbola" jaialdiaren webgunean.