Euskal Non-League Day: Amurrio Club vs CD Orduña

1949an sortua, Amurrio Club gure futboleko klasiko bat da, lehenik Bizkaiko Federazioan lehiatzen da eta, ondoren, Arabakoan. Garai bateko Bigarren B Mailan 12 denboraldi bete ondoren, laurogeita hamarreko hamarkadaren amaieraren eta mende berriko lehen urteen arteko garaiak erakundearen urrezko aroa osatu zuen. Horren erakusgarri da Amurriok 2001ean zilarrezko mailara igotzeko jokatu zuen play-offa, Cdiz CF, Nastic Tarragona eta Zamora CF taldeen aurka. Arrakasta handi hori Juan Mari Sañudo entrenatzailearekin izan zen eta hildako Javier Yubero, Iñaki Bea, Iker Begoña, Jorge Rodriguez, Joseba Kortina, Galder Zenekorta, Iñigo Sangroniz edo Iban Guereñu futbolariekin.

Hiru aldiz jokatu du Aiaraldeko taldeak talde zuri-gorriaren aurka. Lehenengoa, 2001eko urriaren 10ean izan zen Basarten, Kopako final-hamaseirenetan, Athletic Clubek 1-3 irabazi zuelarik. Jupp Heynckesek zuzentzen zuen taldearen golak David Karankak, Santi Ezquerrok eta Roberto Martinez ‘Tikok’ egin zituzten, eta Iker Atxabalek etxeko taldearen gola sartu zuen. Partida hau 2002ko irailaren 11n errepikatu zen, hau ere Kopako final-hogeita hamabigarrenetan, garrantzi historikoa duten hainbat elementurekin; izan ere, Aritz Adurizek debuta egin zuen Athleticekin eta Josu Urrutiak zuri-gorrien elastikoarekin jokatutako 401 partidetako azkena izan zen. Lehoiek 1-2 irabazi zuten, Julen Guerrero eta Isma Urzaizen golei esker, Jabak sartutako gola gaindituz. Bi taldeen arteko azken norgehiagoka 2009ko apirilaren 29an izan zen, lagunarteko partida batean, eta San Mameseko taldeak beste garaipen bat lortu zuen: 1-3. Orduko hartan, Caparrosen jokalariek Beitiaren gola irauli zuten, Etxeberriak eta Ustaritzek (birritan) sartutako golei esker.

Athletic Clubarekiko harremana urrunetik dator, guztira zazpi futbolarik defendatu baitituzte bi erakundeen elastikoak. Esate baterako, Andoni Lakabeg, Edorta Murua, Gorka Bidaurrazaga, Iñigo Lizarralde, Jon Aspiazu, Pablo Paredes eta Raul Otxoa. Ernesto Valverderen egungo laguntzailea, gainera, Amurrio Clubeko teknikaria izan zen, Iñigo Liceranzu lehoi ohi historikoa bezala. Zerrenda hori handiagoa da talde zuri-gorriko beheko mailetatik igaro diren eta Amurrio Clubeko elastikoa erakutsi duten futbolarien zerrenda luzeari erreparatzen badiogu: Aaron Gamboa, Aitor Alcalde, Aitor Iru, Arkaitz Crespo, Beñat Elgezabal Borja Revilla, Bruno Ithurria, Carlos Nuñez, Eneko Pinedo, Anton Pinedo, Galder Zubizarreta, Gorka Martinez, Iban Agerri, Ibon Enziondo, Ibon Urrutxurtu, Iñaki Fernandez de Mendiola, Iñaki Garcia Sendin, Iñigo Gamboa, Iñigo Iturriaga, Javi Lombraña, Javi Lopez, Jon Novoa, Joseba Iglesias, Julen Gonzalo, Kaiku, Mikel Gurtubai, Natxo Garro, Raul Gil, Oskar Alkorta, Rufino Lekue, Urtzi Iturrioz edo arestian aipatutako Galder Zenekorta, Iker Begoña eta Joseba Kortina, besteak beste.

Oinarri-futbola eta komunitatea

Amurrio eta Orduñaren arteko Non League Day partida ahalik eta erakargarriena izan dadin, ekitaldi ludiko, sozial eta komunitatekoak antolatu dira, zaleak Basarteko zelaira joatera animatzeko. Alde batetik, Sabin Guaresti abeslariaren kontzertua izango da eta, bestetik, Athletic Clubek emandako sari hauek zozketatuko dira:

• Athletic Club-Cadiz CF partidarako bi VIP sarrera San Mamesen jokatuko den Non League Day ondorengo asteburuan.
• Gizonezkoen Athletic Clubeko kamiseta bat 10. dortsalarekin eta Amurrio izenarekin.
• Emakumezkoen Athletic Clubeko kamiseta bat, 10. dortsalarekin eta Amurrio izenarekin.

Bildutako diruaren bi heren Aefat elkartearentzat izango dira, eta heren bat Amurrio Clubentzat.