"Garaipenak meritu handia du"

"Hirunaka batzen jarraitzen dugu. Guretzat funtsezkoa da. Pozik gaude, baina hau oso luzea da eta jarraitu egin behar dugu". Ernesto Valverde pozik eta zuhur agertu da Athletic Cluben eta Cadizen arteko norgehiagokaren amaieran, lehoiek ederto irabazitako neurketaren ostean. Garaipen oso landua, zuri-gorrien sasoi onari jarraipena emateko: "Futbola amaierako balantzean zu beti aurretik egotean datza. Guk golak lortzeko nahikoa sortu behar dugula badakigu, eta gaur halaxe egin dugu. Hiru gol egiteak meritu handia du".
 
Aurrelariek sartutako hiru golak, atea hutsean hirugarrenez bost partidatan. Albiste onak asko dira gaur, Mendizorrotzan denboraldiko bigarren derbia jokatu aurretik: "Garrantzitsua da aurrelariak golarekin maiz topo egitea, konfiantza ematen dielako eta hori ondo datorkigulako. Atzean ondo egon gara eta atea hutsean mantendu dugu, oso garrantzitsua da ere".