"Ilusioa piztu nahi dugu berriro"

Yeray Alvarez hedabideen aurrean agertu da ostiral honetan (21:00etan) Mendizorrotzan Deportivo Alavesen eta Athletic Clubek jokatuko duten partidaren atarian. Lesioa gainditu ondoren berdegunera itzuli ondoren, Barakaldoko erdiko atzelaria pozik agertu da: "Ondo eta sendatuta nago. Sentsazioak onak izan ziren, 90 minutuak jokatzeko moduan ikusten dut neure burua, baina hori entrenatzaileak erabakitzen du".

Atzelari zuri-gorriaren ustez, denboraldia hasi berri den arren, "emaitzak ilusioz betetzen gaituzte denoi. Dinamika honekin jarraitu nahi dugu ahal den denbora guztian. Gainera, azpimarratu duenez, "Athletic Cluben defentsa hamaika jokalariak dira, bloke bat gara eta horri esker ari dira emaitzak ateratzen".

Ostiralean talde gasteiztarraren aurka jokatuko duten derbiari dagokionez, 5 zenbakidunak badaki talde gogor baten aurka neurtuko dituztela indarrak: "Etxean jokatu dituzten bi neurketetako emaitzak haientzat positiboak izan direla ikusi dugu, baina gu bolada onean gatoz. Kontzentraziorik handienarekin eta prestutasunarekin irten behar gara hiru puntuak lortzeko".