"Sendo jarraitu behar dugu"
"Sendo jarraitu behar dugu"
Ernesto Valverde, pozik lehoien beste garaipen baten ondoren, baina datorrenari begira erlaxatzeko adorerik gabe
"18 puntutik 13? Horrek esaten dit bost utzi ditugula bidean. Pozik gaude, ez da erraza giro honekin jokatzea eta emaitza hau ateratzea. Sendo jarraitu behar dugu". Ernesto Valverde pozik agertu da lehoiek Mendizorrotzan Alavesen aurka lortutako hiru puntuen ostean: "Derbia zen, horrek dakarren guztiarekin eta gure partida oso ona izan da. Bi taldeak indartsu joan gara eta pixkanaka nagusitzen joan gara".
Athletic gora doa jardunaldiek aurrera egin ahala: "Oso gutxi utzi diogu aurkariari lehen 85 minutuetan. Atea hutsean utzi nahi dugu, eta ahalik eta aukera gutxien jaso. Intentsitateari hasieratik amaierara eusten badiogu, talde gogorra eta zaila gara. Irmo jokatzen ari gara, eta hori da bilatzen duguna".