Informazio erabilgarria: Athletic Club - Getafe CF

Asteazken honetan, Athletic Clubek eta Getafe CF taldeek 7. jardunaldiko partidan neurtuko dituzte indarrak. Jarraian, partida jarraitzeko bertaratzen diren guztientzat interesgarriak diren datuak azaltzen dira:

Ateak irekitzea

San Mamesera sartzeko ateak 17:30etik aurrera egongo dira zabalik. Mesedez, joan zaitez behar besteko aurrerapenarekin zelaira sartzea arintzeko, azken orduko pilaketak saihesteko eta partidaren hasieraz lasai gozatu ahal izateko. Hurbildu garaiz João Pinto omentzeko Jose Angel Iribarrek One Club Man 2023 saria ematerakoan. 

Sarbidea zure bazkide txartelarekin

San Mamesera sartzeko agiria bazkideentzako txartela izango da eta app-aren txartel digitala soilik GAZTE ABONOArentzat.

Aplikazio ofizialaren bidez sartu ahal izango da "nire txartela" atalean, partidaren aurreko orduetan gaituko den QR kodearen bidez.

Partida honetarako bazkide-txartela lagatzeko aukera egongo da Athletic Clubeko app ofizialaren bitartez, partida hasi baino bi ordu lehenagora arte. Bi aukera daude:

• Bazkide-txartel digitala aplikazio ofizialaren bidez beste pertsona bati lagatzea (Android / IOS)
• Bazkide-txartela edo Gazte Abonoa Klubaria app-aren bitartez, webgunearen bitartez edo 900 909 709 telefonoaren bitartez lagatzea.

Sarreren salmenta

San Mameseko 6. eta 7. ateen artean dauden lehiatilak ordutegi honetan irekita egongo dira:

• Irailak 26, asteartea, 10:30etik 13:30era eta 17:30etik 20:00etara.
• Irailak 27, asteazkena, 10:30etik 13:00etara eta 17:00etatik 19:00etara. 

Erosi sarrerak online.

Ikusleek pertsona bakoitzeko lau sarrera bakarrik erosi ahal izango dituzte, horiek agortu arte.

San Mames VIP Area sarrerak 

San Mameseko erdiko eraztuneko Matchday Experience sarrerak ere salgai daude, Katedralean esperientzia bakarra bizitzeko.

San Mames VIP Area sarrerak erosi

Sarbideak A, D eta E ateetatik egingo dira (ikusi San Mames planoa artikulu honen amaieran).

San Mameseko dendaren irekiera

Denda ofiziala (San Mameseko 26 eta 0 ateen artean kokatuta dagoena) 10:00etatik partida amaitu eta ordubete gerora egongo da zabalik, etenik gabe.

Gogoratu Athletic Clubeko online dendan ere egin ditzakezula eskaerak.

Ostalaritza zerbitzuak

Gozatu neurketa Geuria!-n, San Mameseko 13. atearen ondoan dagoen gure sports tabernan. 16:00etatik 23:00etara bitarte izango da zabalik, edari eta janari eskaintza zabalarekin eta partida pantaila erraldoietan ikusteko aukerarekin.

Horrez gain, La Campa de los Ingleses taberna zabalik egongo da, 9:30etatik 16:30etara, eguneko menu zerbitzuarekin. San Mames Jatetxeak ere ateak zabalik izango ditu, 13:30etatik 16:30etara.

AC Museoa eta San Mames Tourra

Athletic Club Museoa bisitatu ahal izango da (20. atearen ondoan dagoena) 17:00ak arte. Partida eguna denez, San Mameseko Tourraren azken bisita 15:15ak arte egin ahal izango da.

Erreserbatu hemen