Talde beteranoa martxan da
Talde beteranoa martxan da
Lezaman lehiatuko dira asteburu honetan Futbol 7 modalitatean
Athletic Clubeko beteranoen taldea asteburu honetan hasiko da lehian, pasa den ostegunean, hilak 14ean, entrenamenduak hasi ostean, 34 futbolarirekin. Zuri-gorriak larunbat honetan ekingo diote Lezaman Espainiako Futbol 7 Txapelketako finalaurrekoari Sestao Riverren aurka (17:00etan). Kanporaketa honetako irabazleak Barakaldo CF-CD Mirandes neurketako garailearen aurka arituko da 19:30ean jokatuko den finalean.
Rafa Dehesak zuzentzen duen taldeak lagunartekoak ere baditu programatuta. Urriaren 22an Amurrion izango da bere 75. urteurrena dela eta. Azaroaren 11n, Gazteak taldearen 50. urteurrenean parte hartuko du, bertako taldearekin eta Dinamo San Juanekin batera. Bi aste geroago, Calahorrako beteranoen aurka jokatuko du, Errioxako taldearen mendeurrena dela eta. Beste konpromisorik ezean, Huelvara bisita bat egiteke dago, futbol eskola baten inaugurazioa dela eta.